家长呻学校阻学生用二手书　想摆摊校长咁讲　呻：仲话香港搞环保

中小学教科书加价频频，不少父母会让子女用二手书。有港妈在网上大呻，指无论儿子读中小学时，都曾有家长向校长提出想在校内摆摊位做二手书买卖，但个个校长回复都接近，“规管唔到每个家长交嚟嘅二手书系咪正确，又话有啲书要改版”，建议买新书，她揶揄道“仲话喺香港搞环保，笑死人了，书本垃圾都未搞掂”，书簿费对基层家庭来说太大负担，“你哋做校长教师，几皮嘢1个月，梗系咁讲啦”。

虽有网民同样抱怨学校要求买新书，开学买书可能已花5,000元，但亦认为站在校方立场“牵涉钱银交易，学校一定唔会安排”。

楼主在亲子王国讨论区以“几乎间间学校都唔钟意学生买旧书”为题发帖，表示儿子无论在幼稚园、小学还是中学阶段，都分别有家长向学校提出想摆摊买卖二手课本，但所有校长回答都接近，“我哋规管唔到每个家长交嚟嘅二手书系咪正确，又话有啲书要改版，费事孭镬上身”，还建议家长最好买新教科书，“你（家长）喺出面买二手书就系你嘅事，如果买错咗唔啱用，你哋都要再买过”。楼主形容学校教师是“公务员模式”，因为不想增加工作或得罪校长，只好要求学生集体订购学习材料。

楼主无奈指“仲话喺香港搞环保，笑死人了，书本垃圾都未搞掂”、“你哋做校长教师，几皮嘢1个月，梗系咁讲啦”。她又提到文具簿册等问题，指长子有簿未用过，想留给幼子用，减少买新簿数量，但校方又会说簿册要集体订购，“好难监管到边个学生订咗几多本。所以又建议家长全部要订。所以依家积压咗嘅全新文具簿册有成栋咁厚”。楼主表示，纵然香港有免费教育，但额外支出仍然很多，基层家庭有很大压力，“书费、文具簿册、冷气费、班会费，还有很多湿碎费用不能尽录”。

许多网民有同样不满，“书商年年加价，耐唔耐又转新版，如果政府肯规管，家长就唔使咁烦啦，我收到小朋友书单，如果全部买新，要5,000几”、“小学𠮶阵听过个妹想用阿哥旧书（讲紧相差2年)，学校都话唔得”、“我仔小学时有老师讲明唔准用旧书，因为有晒答案”、“如果年年都买新书，一家两个小朋友都要1万蚊，仲有校服又买新，普通家庭真系百上加斤”。

另外，有网民认为书商几乎年年改版，太快太密政府却不规管，“政府成日搞环保，教科书就最唔环保”。

有网民认为站在学校立场，“牵涉钱银交易，学校一定唔会安排。如果免费送赠就唔同”，家长私下可组成旧书校服转让群组，而且也有学校容许学生用二手书，“我哋小学好支持，阿女有本中文书好新净系用到第五手，试过阿妹用家姐本常识书，因改版第二年有1、2页修改，老师特别去影返俾佢，我每年只买作业同补充悭唔少”、“我仔学校好好， 年年都有买卖旧书， 我哋攞旧书返去卖， 亦有旧书俾我哋买，啲书肯定一定啱用先俾买同卖”。

然而，也有家长反对在小学阶层用二手书，因为“小学正常都写到花哂，点做二手？家长想节省开支，都要谂下会否影响小朋友学习？ ”。

（亲子王国）