巴士打尖争执！2大叔咆哮围骂吓哭小朋友　后生仔高EQ应对获激赞

乘搭巴士最重要互谅互让。本港网络流传1段影片，指巴士车厢内有多名乘客因打尖争执，其中2名大叔咆哮指骂1名年轻男乘客打尖，男乘客解释排队时有误会，但2名大叔仍连珠炮发，更挑衅叫男乘客报警，声言“我识咁多差人！你话我玩嘢啊！”。男乘客于是报警指被恐吓，大叔不满，叫男乘客下车，大叔亦叫两名女儿下车，但女儿已被吓哭，劝阻大叔下车，大叔最终坐回座位，惟仍大声“攞尾彩”说“打尖仲阿支阿左”。
影片引来网民热议，不少人支持年轻男乘客，“听对话似系1条队有另外几架车，似系年轻人以为个阿叔唔系上车所以上咗唔系有心，咁佢都好有礼貌解释返啦，嘈乜”、“都几高EQ”、“条片我只系见到1个躁狂，不停劲大声X𠮶两个人”、“乜都报警、浪费时间”。但亦有网民认为“打尖抵X”、“搞到人哋咁扯火！后生个个就讲少两句啦！”。

有港男在Facebook群组“香港突发事故报料区”发布2段影片，指昨日（6月8日）晚上8时半回元朗方向的九巴268B上，有多名乘客因打尖争执报警，结果吓哭小女孩，“当时只系第3个站，巴士上仍有大把位。其实带住细路又小小事，就唔好玩到报警啦，吓到啲细路喊晒”。

第1段影片见到，巴士上层楼梯座位位置，2名大叔正围着1名年轻男乘客，男乘客解释，“唔知前面边个上车啊嘛，先生，有阵时前面啲人唔系排紧呢条队㗎嘛，唔系上呢㗎车㗎嘛”。

闻言其中1名大叔手指指激动喝骂，“咁我咪叫你排队啰！叫你排队啊！”。男乘客劝喻“冷静啲先生”，大叔随即挑衅表示“报警啰不如”，男乘客则回应“报警啦，咁样”。

第2段影片见到，2名大叔仍在围骂男乘客，男乘客指“你话要报警啊嘛，咁咪叫你报警啰”，其中1名大叔咆哮“报啊！成车人坐喺度，报！”后坐下，惟另1名穿灰色上衣大叔未有停口，喝斥“玩咩啊？边有玩你啊？你头先讲个玩字，我先火X滚咋！我使唔使报警啊？我识咁多差人。你话我玩嘢啊！玩玩玩，我玩咩嘢啊？”。

2名大叔之后叫男乘客“即刻报警啊！即刻报”，现场开始传来小女孩哭声。男乘客之后取出手机报警指遭恐吓，大叔再度火起，“我边有恐吓你啊？你话玩我啊！你打尖，仲喺度阿支阿左”，又叫男乘客下车。男乘客与同行女子下车，灰衣大叔叫上2名女儿想跟着下车，惟女儿已被吓到不断哭泣，叫父亲不要走，并把父亲拉回座位，但仍在女儿面前大声向下层方向“攞尾彩”说，“打尖仲阿支阿左！”。

影片引来网民热议，不少人支持年轻男乘客，“听对话似系1条队有另外几架车，似系年轻人以为个阿叔唔系上车所以上咗唔系有心，咁佢都好有礼貌解释返啦，嘈乜”、“未睇片我都赞成打尖抵X。但睇完片，听埋年轻人解释，再睇返两个大叔表现，都系帮唔落”、“打尖系衰，但又真系同条队唔会知排前面啲人边啲系上车，行迟啲巴士佬又闩门，所以其实好小事”、“都几高EQ”、“条片我只系见到1个躁狂，不停劲大声X𠮶两个人”、“乜都报警、浪费时间”、“其实好少事，唔使2个大男人凶人，今次吓唔到人反而吓亲自己细路女”、“若果真系开车后头几个站，本身又大把位，咁有咩好吵？”。

然而亦有网民认为“打尖还打尖，有位还有位”、“打尖抵X”、“搞到人哋咁扯火！后生个个就讲少两句啦！”、“而家啲年轻人讲句对唔住会死”、“EQ高就一定啱？EQ低就一定错？”。另有网民上载九巴手机应用程式（App）截图感叹，“唔怪得话因事故取消班次啦”，疑似因上述事件导致班次取消。