豪车劳斯赖斯泊街边！车头冚被当作餐台“开餐”　网民：呢餐好贵

豪车惨被沦为餐台？近日网上有群组疯传相片，1辆停泊在尖沙咀街头的劳斯赖斯（Rolls-Royce），“车头冚（引擎盖）”被数名男子摆放多个外卖盒和饮品，数人更直接于路边“开餐”，奢侈画面引来网民热议。有人猜测数名男子身份，“可能架车系佢哋其中一个呢”、“使乜咁紧张啊”；不过更多人觉得“揸劳会喺条街咁样食饭盒，咪玩”，又笑称“整污糟咗张餐台，呢餐就贵啰”。

楼主在facebook群组“大埔 TAI PO”上传照片，笑称“呢张餐台真系好贵㗎”。如图所示，地点为尖沙咀中间道，1辆劳斯赖斯豪车停泊街边，车头冚被当作餐台，放了多个外卖餐盒，还有饮品以及纸巾等，车旁有数名男子站着“开餐”，画面引来网民热议。

有网民就猜测数人当中或有1人是车主，“使乜咁紧张啊”、“可能架车系佢哋其中一个呢”、“看图说故事，自己车唔介意咪得啰”、“食完唔使掉垃圾，我叫工人过嚟执”。不过亦有人认为“如果食紧嘢的是车主，咁叫任性；如果只系路人甲，车有事，记得要佢埋单”。

惟更多人觉得数名男子和车主无关系，“揸劳会喺条街咁样食饭盒，咪玩”、“我希望只系一张P图”、“咁靓嘅车就咪周围泊喺街啦”、“整污糟咗张餐台，呢餐就贵啰”、“整花都唔知点计”、“街边食饭盒都可以食出七星级的感觉”，又笑言“职工头围用膳”、“啲嘢冻晒唔好食，用6000几CC嘅炉保温”、“‘型’毁”、“谂返起香港早2年禁餐厅堂食”。

（facebook群组）