港铁骂战！头等大妈狂闹后生仔4分钟　斥伸脚占位　网民：闹得好

乘搭港铁要互谅互让，否则随时爆发冲突。本港网络流传1段影片，见到港铁东铁线头等车厢内，有1名大妈与后生仔疑因伸脚碰撞问题争执，其间大妈连珠炮发责骂后生仔超过4分钟，批评后生仔无道理，“你知唔知道你好丑啊，只脚伸去人哋𠮶度，仲叫人哋拎开啲嘢啊”，后生仔反斥大妈“影衰女人”、“黐线”。大妈一直责骂后生仔，直至影片最后坐在旁边的大叔让座离开，大妈亦跟着离座，结束事件。
影片引来网民热议，大部份人都批评该后生仔行为自私，赞大妈“闹得好”，“阿姨已经好有礼貌”、“支持呢位阿姐”、“阻到人仲大条道理”、“影衰晒啲后生仔”。

网上流传影片长4分30秒，未有提及拍摄时间。影片见到，港铁东铁线头等车厢内对头座位上，1名后生仔把行李放在脚前，占了座位间通道逾半空间，而坐在对面大妈正大声责骂后生仔，“点解要我缩开（脚）啊？你只脚唔伸埋嚟我点会砸到你啊？（你）顶住（我）个膝头哥”、“你有行李你应该自己去处理你嘅行李啊嘛，点解要占人哋个位呢？系咪啊？你用下道理啦！我以为你唔识讲广东话啊，原来你咁叻仔啊，oh my god”，相信是后生仔要求大妈“缩脚让开”触发事件。

大妈又说“唔好话人哋成日香港人虾你哋啦，你哋要用下个脑，谂下𠮶啲条件规矩”。后生仔则强调自己“我香港人嚟㗎”，大妈即指“我唔理你咩人啊，呢啲事情好小事啊，你做咩要我拎开啲嘢啊？你只脚伸去人哋𠮶度叫人哋拎开啲嘢？你伸去人哋屋企啊只脚啊，然后你叫人哋搬啊，傻佬”。后生仔反驳“如果只脚早过人哋搬入去，以前十几年摆埋𠮶度，妳仲要人哋搬啊？”。

大妈听罢建议一同下车“讲道理”，惟后生仔拒绝，“妳落去讲啦，我继续喺车上面”。大妈于是继续“教导”，“你知唔知道你好丑啊，只脚伸去人哋𠮶度，仲叫人哋拎开啲嘢啊。我真系话畀你听啊，你真系系咪读紧书㗎，如果读紧书，你返去问下你𠮶啲先生”。

2人争执期间，坐在后生仔旁边的男乘客疑无法忍受声浪离开。不过2人未有停下，继续骂战。后生仔表示，“咁小事妳都要咁大声”，大妈回击“我梗系要大声啦，你唔系讲咩影话‘我影衰啲女人’啊，我都唔会咁样话畀你听啊”。之后大妈要求其他乘客“评评理”，“各位，我自己坐自己个位自己摆自己个嘢，人哋顶住我仲要我拎开啲嘢，啱唔啱啊？”。

后生仔指“人哋成车都嫌你烦啊，黐线”，大妈则反呛“嫌我烦，定嫌你啲细路哥冇礼貌冇道理啊，道理都唔识讲你点读书啊”。后生仔回应“你嫌我烦你落车啰”，大妈霸气回击“我就系唔识你我先要闹你啊，如果我识你，我冚你两巴啦，细路哥唉”。

大妈责骂后生仔至少4分钟后，坐在旁边的大叔站起，想让座大妈以“打圆场”，大妈亦顺意转位，边继续批评“我坐边度都唔紧要啊，阿叔，不过𠮶啲细路仔啊，真系蠢成咁样㗎”。影片最后，大妈离开，后生仔坐在座位上看手机，未有再理会大妈。

影片引来网民热议，大部份都批评该后生仔行为自私，赞大妈“闹得好”，“阿姨已经好有礼貌”、“啊姐闹得十分之好”、“支持呢位阿姐”、“阻到人仲大条道理”、“小朋友讲咁多句，无一句有point”、“影衰后生仔”、“好心条仔X咗咪讲句sorry啰，成只巨婴咁”、“继巴士亚叔教仔系列又一佳作”。不过也有网民认为大妈即使有理，也毋须太激动，“手指指，啱又如何”、“隔篱𠮶个都惊咗佢”。