老屈？大埔港妈遗失$50公仔　发相寻“贼”　网民揭真身闹爆冤枉

寻“贼”反而被批评？有港妈于网上发布相片指，母亲节（5月12日）当日在大埔超级城LOG-ON购买1只50元公仔后不慎遗下，于是翻看商场闭路电视（CCTV），发现是1名小女孩“偷”走，当时对方父母亦没有制止。楼主明言“作为母亲非常之唔开心”，遂发相寻人，“如果偷嘢小朋友嘅父母系喺呢个group，麻烦将公仔畀返客户服务部，我嘅母亲节过得唔系咁快乐”。
帖文引来网民争议，反批评楼主用字不当，“其实自己漏低咗都有责任，仲要话人哋偷，会唔会有啲离谱”、“咁样一冤枉一个小妹妹，会影响佢嘅童年”、“你自己漏低咗就话人偷嘢，畀着我掉落垃圾桶都唔畀返你”。不过也有人指出，拾遗不报也触犯盗窃罪，认为失主、小朋友及父母都有责任。

该港妈日前于Facebook群组“大埔TAI PO”发布多张相片，指母亲节（5月12日）当日下午5时15分左右，她在大埔超级城LOG-ON购买1只50元公仔予儿子；到5时27分，她在CoCo Espresso门外的影相机拍照留念，却不小心把公仔遗留在凳上；约20分钟后，她们发现遗下公仔，于是立即回头查看，公仔却已消失不见。

楼主表示，她们即时要求商场翻看闭路电视（CCTV），是被1名小女孩“偷咗”，当时对方父母没有阻止。楼主又说，“作为母亲非常之唔开心 虽然只系价值大约50元，但系我啱啱买畀小朋友，小朋友好钟意”，呼吁“如果偷嘢小朋友嘅父母系喺呢个group，麻烦将公仔畀返客户服务部，我嘅母亲节过得唔系咁快乐”。

然而大部份网民看后反批评楼主用字不当，认为不应用“偷”字眼，“楼主唔应该用偷字”、“咁样一冤枉一个小妹妹，会影响佢嘅童年”、“在于小朋友角度，应该没有偷的概念，只是会觉得系执返嚟，因为没有主人在现场”、“你自己漏低咗就话人偷嘢，畀着我掉落垃圾桶都唔畀返你”、“其实自己漏低咗都有责任，仲要话人哋偷，会唔会有啲离谱”、“你自己大意关人咩事？唔好将责任推晒人哋，或者佢以为人哋唔要放低咗”、“可能个情景系，妹妹：妈妈有个公仔漏咗系到，妈妈：咁我哋攞畀警察叔叔啦”。

不过也有人指出，拾遗不报也触犯盗窃罪，认为失主、小朋友及父母都有责任，“法律上，拾遗不报、执咗然后掉咗去，都系涉嫌触犯盗窃罪。呢次事件上，失主同小朋友有责任，攞咗公仔嘅小朋友嘅父母都有责任”。亦有家长称“我自己两个仔如果咁样攞咗只公仔，我一定叫佢放返喺原位，如果攞到返屋企我一定劲骂再攞返过去，因为我觉得咁样已经系偷嘢”。