毕业生面试拒自我介绍！问申请原因竟咁答　HR劲嬲：差啲想讲粗口

常言道“机会是留给有准备的人”，较早前有HR分享奇葩面试事件，有求职者应征行政人员职位，竟穿T恤牛仔裤，被要求进行自我介绍时，又称“CV（履历）度咪有写”。种种态度本已令人哗然，怎料问及申请工作原因时，对方竟解释“其实都系阿妈帮我申请嘅，我都系谂住上嚟睇吓环境嘅啫”，令楼主震惊不已，随即请对方离开，直言“真系第一次见咁Kam（奇怪）嘅人”。事件惹来网民两极看法，有人批评求职者态度恶劣，“极品中嘅极品”；亦有人觉得楼主都有责任，“你都系睇佢CV，啱心水至叫佢嚟见工”、“上到嚟又要讲一次，咁不如Walk in面试”。

“宜家真系咩人都有”，楼主在香港讨论区以“嚟面试咩都唔准备系咩玩法”为题发帖，指公司正在招聘普通行政人员的职位，某日有位应届毕业生前来面试，可惜只会面约5分钟，便已决定请对方离开。事关对方竟然穿T恤配搭牛仔裤，令本来对衣着没有要求的楼主只能无奈感叹“系咩玩法”。

其后楼主请对方自我介绍，却被回复“CV度咪有写”，她强忍不满再有礼询问为何申请上述工作，岂料对方语出惊人，称“其实都系阿妈帮我申请嘅，我都系谂住上嚟睇吓环境嘅啫”，令其愤怒不已“真系差啲讲埋粗口”。楼主表示，自问曾和不少求职者进行面试，大呻“真系第一次见咁Kam嘅人”。

帖文引来网民两极讨论，有人斥该求职者态度恶劣，浪费双方时间，“极品中嘅极品”、“富二代上嚟拎经验”、“摆明被阿妈迫面试，上嚟当系应酬”、“你都算仁慈畀成5分钟，畀着我一嘢就叫佢走”；有留言建议可这样反击，“你应该直接同佢讲：‘既然CV都已写晒，我哋都无乜其他问题啦，你返去等消息啦’，‘咁不如叫埋伯母上来一齐Interview啦’”。

惟有人反指楼主问问题缺乏技巧，“问个问题系问得好空泛，俾人寸系抵死”、“如果你问我点解要上嚟见工，我直接答你：‘我要揾钱，你又要人，Deal唔Deal？’”、“最憨X系又要人哋Email CV，打晒之前做过啲乜，有晒公司名，上到嚟又要讲一次，咁不如Walk in面试”、“你都系睇佢CV，啱心水至叫佢嚟见工”。不过有网民觉得自我介绍是基本步骤，“系想睇应征者对答，因CV都可以别人帮手做”。

（香港讨论区）