男友唔帮手拎重嘢！港女哭诉：好心淡！1原因不舍分手　网民咁睇⋯

看到身边人拿着重物十分辛苦，竟然不肯帮手？日前有港女在讨论区发文大呻，指与男友约会当天要归还一袋书，拿在手上十分沉重，男友却不愿意帮忙拿着，甚至在选购手袋时，“佢就宁愿企埋一边都唔肯帮我拎袋书”，楼主表示“平时佢睇衫叫我帮佢拎个袋，我都照帮佢拎”，故感到十分失望。
楼主表示当天拿书令到她的手都红透，男友仍不帮忙，无奈问“其实佢系咪真系钟意我？”。楼主坦言几乎哭出来，又心淡到思考是否应该再跟男友一起，但念及对方平时待自己很好，故不舍得分手。有网民认为楼主的男友“真心过分咗㖞”，指正常普通朋友如果见对方非常辛苦，也会主动帮忙，“通常就系呢啲小事先睇得出对方人品，建议分”。

楼主在Dcard讨论区以“想知大家嘅男朋友出街会唔会帮手拎嘢（唔系手袋）”为题发帖，透露约拿当天要归还男友一袋书，因有一定重量，故希望男友能出手相助，可是对方“死都唔肯拎”，只有哀求时才勉强帮忙，但很快把书本要她自己拿着。

后来楼主到一家店舖看手袋，男友却“宁愿企埋一边都唔肯帮我拎袋书”，因此对男友的自私行为感到相当失望。“全日袋书都系我拎，拎到我只手红晒佢都冇主动出声话帮我拎下”。

尽管楼主反思不应该选择在逛街的日子还书，但对于男友拒绝援手仍感到十分伤心，坦言“有几次想喊出嚟，不过系佢面前忍住咗”，也对男友“有种心淡嘅感觉”，甚至会思考是否应该继续一起。惟楼主补充指不值得为这么小的事而分手，“佢平时都对我好好，但就好似好抗拒帮女人拎嘢咁”。

有网民认为把书本还给男友后，就应该让他取回自己的物品，又建议楼主下次把东西归还时，应先打听对方是否方便拿着物品。楼主回复称“其实前一日我有同佢讲话还返袋书畀佢，佢话可以我先拎出嚟”。不过，网民指如果男友知道女友要带着重物外出，却又嫌重不肯拿着，认为他人品有问题，“真心过分咗㖞”、“通常就系呢啲小事先睇得出对方人品，建议分”。

有网民直指楼主的男友“可能真系唔识（绅士风度）”，认为对方有“有调教嘅空间”，建议应给予对方机会学习或观察多一段时间再作考虑，“大家都系由幼稚变成熟，始终人系需要时间同空间成长”，觉得男友“应该系平时无经验先会咁”。

（Dcard）