将飞机杂志摆地下垫袋！乘客睇唔过眼公审　1原因获撑无问题惹议

如此自私的行为，真是要不得！有港男日前乘搭飞机时，目击有乘客将机上提供的杂志摆放地上，再将随身背囊放置杂志之上“垫袋”，以免弄脏背囊，不满其缺德举动，故贴图公审。事件引来网民两极讨论，有人批评该乘客“无品”，“若怕污糟，（应）自带胶袋包住手提袋”；惟有人觉得其举动无伤大雅，又称“坐任何航班都有好多嘢睇唔过眼㗎啦”。

楼主在facebook群组“HK Express 香港快运及旅行资讯关注组”发帖，不满指“用本U Shop Magazines（杂志）垫底放袋”。图片所示，1名男子将机上原本提供予乘客所看的杂志放在地上，再将随身背囊放置于杂志上“垫袋”避免弄脏。

帖文惹来网民两极看法，有人斥责该乘客举动缺德，“衰格，无品”、“系有啲自私，可能下一个坐嘅人会睇”、“若怕污糟，（应）自带胶袋包住手提袋”、“座位仲污糟，边有得避？一系唔搭”。

不过亦有留言觉得“无问题”，“阻到你？”、“𠮶本嘢分分钟仲污糟过地毡”、“坐任何航班都有好多嘢睇唔过眼㗎啦，放松啲”，惟被其他网民反驳“公用物品本身再污糟都唔代表有权将佢整得更污糟”、“如果认为咁无问题，不如下次揾位乘客踩上你个座位，再俾返你坐，一样无阻到你”、“本身本嘢唔系咁污糟，但多得你呢啲人令本嘢更污糟啰”。

（FB“HK Express 香港快运及旅行资讯关注组”）