The First SLAM DUNK时代广场期间限定店直击｜推介10款必买精品

《男儿当入樽》电影版期间限定店1.12 开幕，几千呎巨铺全部都系卖入樽goods，唔好话香港，根本系全世界首次！记者率先落场帮大家睇睇有咩好嘢卖！

集日本．香港．台湾三地精品

铺头全名为“The First SLAM DUNK 官方援权电影精品期间限定店”，将会有1月12日一直做到3月，包括香港限定、台湾、日本版的商品会陆续上架，虽然头一轮货品冇想像中咁多，但就令到店内陈设简单有型，配合黑白色为主的装修，似足井上雄彦近年简约到极致的风格，唔似一般动画限定店咁小朋友，各位fans去到打卡绝对可以好型。

👉SLAM DUNK真人版彩子神还原神似过CG｜A.I.真人化16角色流川最型

香港上映｜The First SLAM DUNK首轮影评｜井上实力反驳CG、配音、新曲不济质疑

现场最正商品系咩？香港限定书道风服饰

由香港方面向日本申请制作，只限香港发售的款式，全部字体都经过井上雄彦先生亲自过目审批，刚劲粗豪的书道汉字写出“湘北”以及5位主角的名字。类型分别有tee、大毛巾、 腰包、不锈钢杯等等，我觉得比日本出过的SD服饰精品都要有型！

THE FIRST SLAM DUNK八达通纪念套装开箱｜送证件套 哨子 纪念币

必买日本剧场限定figure set

在日本炒到飞天的Q版入樽日本剧场限定figure set，香港可以pre order box set（$2280／8月发送），并有少量单只款式即场发售。

THE FIRST SLAM DUNK 电影微剧透影评｜球赛超迫真但某元素被牺牲

超有型的湘北队外套，暂时只限展出，未正式发售。

湘北队logo 无袖背心tee

角色插图＋球员编号抱枕

炎之男三仔！大毛巾

《The First SLAM DUNK》入樽15对经典球鞋回顾｜流川不只穿过AJ5

各式电影主题Tee／卫衣／外套

冷帽／Cap帽

SLAM DUNK Logo篮球

场内fans点睇？
入樽Fans Zero仔：有今生冇来世

自小已是《SLAM DUNK》忠粉的YouTuber Zero，今日特别全身入樽 dress code到场，佢大赞今次个Pop Up Store好豪华，场面又够大：“过去入樽商品都只系在Jump Shop或者网上发售，开铺好似真系全球首次，估唔到会在香港，好自豪。暂时店内既items未齐，不过就令到成个场好简洁，打卡一流。”佢最喜欢SLAM DUNK篮球，买了6千几蚊货，下一轮最想买系印有“湘北高等学校”字样的篮球仔匙扣。

Fender AE2i Audio Enhancer 听歌神线2评测｜iPhone推得郁大耳牛

打卡篮球场限4日！想影要快！

而由1月11日至1月15日，时代广场Time Square 地面广场还有《男儿当入樽》10米 x 9 米主题篮球场，有湘北五子的巨型立牌！安西教练，我想去打卡呀！

日期：2023年1月11日至1月15日／时间：中午12时至晚上10时（首日晚上7时后开放）