高达GQuuuuuuX 香港2月27日上映Gundam X EVA团队合制日本大收6亿
《Gundam QGuuuuuuX》高达45周年纪念新作动画，其前传电影已在日本上映，新作由《新世纪福音战士｜新剧场版班底与Bandai合制，上映3日已大收6亿日圆，这部作品将于2月27日在香港上映！即睇介绍。
⚠️连结包含剧透：高达GQuuuuuuX电影｜马沙改写0079一年战争⚠️
动画将由新世纪福音战士制作公司カラー负责，庵野秀明只参与剧本，导演系《新世纪福音战士新剧场版》系列监督、《飞越巅峰2》监督鹤卷和哉，剧本由庵野秀明、榎戸洋司负责。角色设定由《Pokémon》的take（竹）主理，继《水星的魔女》后，继续用女主角驾驶高达，今次更加系穿校服的女子高生！而新高达则由EVA设计师山下育操刀，相信会再度传统高达迷“嬲嬲猪”。
(更新）剧场先行版《机动战士高达 GQuuuuuuX -Beginning-》的Key visual解禁公开！字体真系好EVA！此作系高达系列电影首次以IMAX格式上映！1月17日（五）起于日本全国戏院上映！（港外放映日期未定）
故事讲一个生活喺殖民卫星嘅平凡高中女生，佢无论去到四周围都觉得所有嘢都系假嘅，机缘巧合之下就参加咗机动战士地下战斗，寻找真正嘅人生意义。主角仲有一位女性走私犯、同埋被通缉靓仔驾驶员。在预告中可见到新款嘅高达同埋渣古，系由EVA设计师山下育人执笔，新高达头上仲有对牛角，而人物就似足《飞越巅峰2》，非常之新鲜。
官方故事简介
天手让叶是名女高中生，在空中的宇宙殖民地过著平静的生活。但在遇到难民少女娜安后，她被卷入了非法机动战士决斗竞技《军团战》之中。
她化名《玛秋》参赛，驾驶著GQuuuuuuX，每日投身激烈的战斗。
同时，被宇宙军队和警察两方追捕的神秘机动战士《高达》及其驾驶员──少年修治，出现在她们面前。
访问中制作人透露，其实呢一套作品已经企划咗好多年，当时万代仲制作紧独角兽高达动画。继水星魔女后，万代继续安排由高中女生驾驶高达，赚钱就好似吊带袜天使；故事环绕一种非法嘅机动战士格斗Grand Battle，非常期待这个新尝试，不过估计应该都会有唔少保守嘅高达迷会反感。
CAST：
マチュ/玛秋/天手让叶：CV黑泽朋世
ニャアン/涅安：CV石川由依
シュウジ/修司：CV土屋神叶
STAFF：
原作：矢立肇、富野由悠季
剧本：榎戸洋司、庵野秀明
监督：鹤卷和哉
角色原案：竹（Pokemon日/月）
角色设定：池田由美（EVA新剧场版）、小堀史绘（SSSS Gridman)
制作：Khara、SUNRISE
HG 1/144 模型将于1月17日发售，其他产品还有食玩、景品、毛公仔、Robot魂等等。并于同日在日本的戏院先行播放头一集，之后的播放平台未公开。
万博高达有情报
同日直播中更有关于大阪万博高达场馆的新情报，全新一比一等身大雕像仲有场内究竟有咩睇？今朝万代透过YouTube频道直播公布咗唔少新料。首先喺短片之中，见到新款嘅高达其实仲有未公开嘅新装甲同埋背包，仲有少少类似光之翼嘅大背翼！另外场馆入边今次嘅主题系着重机动战士融入人类嘅生活，而唔系战斗。场内仲有好似主题公园玩法，设有一批轨道电梯入口，观众入去之后应该系可以睇到一啲有体感效果嘅短片，体会到升上太空，喺宇宙殖民卫星轨道见到高达嘅电脑动画。
直播中展示了万博高达的模型、超合金、Robot魂，当中只有模型版可以另外加购新嘅背囊同埋背翼option parts。其他两款完成版就只有本体。另外仲有高达嘅景品同埋HARO嘅毛公仔。场内将会有其他精品，会喺接下来慢慢喺官网公布。
其他高达新情报｜初音X高达系列公开
喺同一个直播入边，万达有继续宣传佢哋嘅Metaverse，12月圣诞期Gala当然有新嘅线上活动啦。睇到好多新嘅场景都系同圣诞新年有关。初音未来将会喺12月5号穿上联邦军制服，举行高达歌曲线上演唱会，另外亦都会推出初音加高达嘅服装玩具景品，以及初音SD Gundam 万变卡。
另外都仲有快将推出嘅高达TCG对战卡啦，直播中总公开咗三张新卡，包括完美突击高达红彗星渣古同埋美莉芭。
另外有公布咗一只以Netflix高达剧集《复仇安魂曲》为主题，可以驾驶机动战士，或以单兵战斗嘅第三身射击游戏，似乎系属于多人团队对战。
仲有一款SD手提游戏，G Generation Eternal，睇片由完组去到水星的魔女都有登场，12月4号开始进行封测。