【进撃升龙道】日本中部全攻略：伊势神宫白川乡　食飞驒牛越前蟹

升龙道系指日本中部、北陆地区嘅旅游路线。将中部北陆地区嘅著名景点连起嚟，你就会发现佢呈现一条龙嘅形状。升龙道横跨爱知、石川、长野、三重、静冈、岐阜、富山、福井同滋贺9个县，北陆地区唔单止拥有好多同龙有关嘅传说，亦都可以欣赏到德川家康时代嘅建筑同遗迹，感受日本嘅传统魅力。

▼“升龙道”系指将中部北陆地区嘅著名景点连起嚟，你就会发现佢呈现一条龙嘅形状▼

游升龙道必去景点：

日本三大名园——金泽兼六园

兼六园系一座位于金泽市嘅日式庭园，充满日式风情，一年四季都有唔同景色。庭园入面就好似将时间停顿咗喺古时咁，保留咗一份古色古香嘅味道。

世界文化遗产——白川乡

白川乡可以话系成条升龙道上面最出名嘅景点！位于岐阜县嘅白川乡系一条四面环山、水田纵横、河川流经宁静古老嘅山村，𠮶度有100几栋连成一片嘅“合掌造”，由茅草覆盖喺人字型嘅木屋顶上面建造而成，由于外型睇落似“双手合掌祈祷”而命名。呢个咁靓又咁有“仙气”嘅景色，唔难之得会被称为“日本人嘅心灵故乡”，确实系不得不去嘅地方～

相关文章：【日本中部】童话世界白川乡合掌村 点灯日期、交通、住宿全攻略

小京都——飞驒高山

有“小京都”之称嘅飞驒高山以木制建筑群为主，飞驒木雕工艺非常出名，好多京都奈良地区嘅寺院都出自飞驒名师之手㗎！嚟到呢度就好似走咗入古装日剧嘅场景咁～

另外，飞驒高山嘅温泉都相当出名㗎～

日本最受尊崇的神社——伊势神宫

位于三重县嘅伊势神宫可以话系升龙道嘅“龙尾”。呢度系祭祀象征太阳嘅女神 – 天照大神嘅地方。伊势神宫分为外宫同内宫，一般嚟讲日本人会先去外宫之后再入内宫。呢度仲被誉为“日本人一生中必去嘅神社”，可见佢喺日本人心目中嘅地位，超然啊！

同为世界文化遗产——五个山

五个山系富山县西南端南砺市嘅旧平村、旧上平村、旧利贺村所构成嘅地域，与大家熟悉嘅白川乡一样系大型嘅合掌聚落，唔同嘅系五个山位置喺深山之中，冇咁游客商业化可以静静咁欣赏呢度嘅美景。虽然五个山风景好靓，但是交通唔方便好难去！所以自由行嘅游客比较少，更可以静静品味村落嘅美丽！

相关文章：【日本中部】立山黑部、白川乡自由行太难？一文看清北陆地区交通

美食

按下图看升龙道的美食：

沿住升龙道出发，除咗可以参观各种遗迹、古建筑，亦都系好新颖嘅景点。

金泽21世纪美术馆

呢座现代化嘅美术馆采用全圆形嘅结构，极具特色。

当中最出名嘅展品就系《泳池》，你可以行入作品入面，透过水同玻璃嘅折射营造泳池嘅感觉～

交通

相关文章：【进撃升龙道】日本中部北陆地区周游券　五日、七日交通懒人包

交通方面，由于升龙道横跨9个县，虽然北陆地区嘅新干线已伸延到富山、金泽，但要游览去白川乡等地最方便嘅选择都仲系坐高速巴士～

日本旅游局为咗方便国外旅客，推出咗升龙道高速巴士乘车券，分为三日版同五日版游走升龙道各个景点～

虽然去一次未必能够玩完全部景点，但呢个都系佢嘅魅力所在之处，去完都仲想再去呀！自问经常去日本旅行嘅你，下次可以试下探索神秘嘅升龙道，感受下日本嘅传统魅力！

【本文获“KKday”授权转载。】