【日本中部】童话世界白川乡合掌村 点灯日期、交通、住宿全攻略
每年合掌村点灯都会吸引一大班游客去白川乡 ，想一睹世界遗产人形木屋覆盖喺雪地入面、衬埋闪令令嘅灯光，成个画面温馨又浪漫，而且错过咗就要再等一年！但白川乡点去？咁嘅旺季住宿又点订？睇下呢篇合掌村交通住宿完整攻略，之后拿拿临买机票执行李出发啦！
▶ 白川乡合掌村点灯日期
合掌村已经公布咗2019点灯日期，有计划前往体验合掌村点灯嘅美景就快啲将以下日期记低啦！点灯总共六回，都系喺星期日、星期一。14/1和11/2日为日本国定假日，点灯活动时间固定为晚上17:30-19:30。
第一回：14/1 (一）
第二回：20/1 (日）
第三回：27/1 (日）
第四回：3/2 (日）
第五回：11/2 (一）
第六回：17/2 (日）
2019新规定：点灯活动采完全预约制
为咗控制人数，喺点灯活动期间，如果没有事先预约系入唔到村！想入村欣赏嘅朋友可以以下四种方法预约（资讯以官网为主，如果有新资讯，小编会尽快更新）：
1. 喺村内留宿：观光协会8月中开放抽签，或8月上旬官网会公布可以预约嘅民宿清单。
2. 利用当地停车场，当日自驾来回：观光协会8月中开放抽签，3,000円 /架（1架车最多坐8位乘客，9 – 12位乘客： 5,000円 /架），前往展望台嘅接驳巴士车票： 1,000円 / 位。
3. 乘坐旅游巴士：请向各大旅行社查询。
4. 乘坐公共巴士：请向各巴士公司查询。
按图看白川乡合掌村点灯的美景！
▶ 合掌村点去？
1. 升龙道票券
通常大家都会由名古屋出发去合掌村，而升龙道票券就系大家最常用嘅交通券，入面包含咗好多可以搭嘅巴士路线，除咗合掌村之外，呢张交通券仲可以去埋其他地区㗎！有张升龙道高速巴士周游券喺手，日本中部交通都即刻轻松上手！
出发地：日本中部机场、名古屋、高山
目的地：名古屋、高山、金泽、白川、松本等地
票券种类：三日券、五日券
使用方式：凭通票可以喺指定日期内任意乘搭高速巴士
另外三日券同五日券都有啲一定要预约咗先搭得嘅路线：
2. 浓飞点灯巴士
基本上去白川乡最常用嘅巴士就系浓飞巴士，经常会有人会由高山、金泽去白川乡。至关于前往白川乡高速巴士嘅路线查询，大家可以参考下官网。另外，以下系2018年浓飞巴士针对点灯开放嘅巴士费用，大家可以参考埋～
高山出发：成人 日币5,000，儿童2,500日圆
下吕出发：成人 日币6,000，儿童3,000日圆
行程： 下吕→ 高山 → 白川乡夜间点灯→ 高山→ 下吕
票券包含：往返巴士座位、合掌村民家园门票
预约办法：一个月前开始受理预约，只接受电话预约～
详细资料可以参考浓飞点灯巴士官网。以上嘅两种方式适合想当日来回，或是冇打算住喺合掌村嘅人～
▶ 唔识日文点Book房？
喺合掌村嘅民宿多数由日本嘅长者经营，所以基本上都剩系识日文，而订购方式亦都多数用电话、传真或者E-mail，呢个时候如果唔识日文又冇日本朋友可以帮手，咁应该要点先可以喺合掌村留宿呢？呢度有两种方法可以提供比大家参考：
1. 信用卡白金秘书
如果你张信用卡系白金卡Level，咁你可以睇下你有冇“信用卡白金秘书”呢个服务，如果有，咁你就可以打电话比你嘅发卡银行、或者打比信用卡机构（Visa、Master Card等），之后就可以请专人帮你代为订房！
2. 白川乡观光协会
如果上述嘅方法你用唔到，咁你都可以选择揾白川乡观光协会代为订房。虽然佢哋都系用日文嘅操作介面，但相对嚟讲就方便好多，亦都唔洗用日本打电话沟通～
按图看白川乡观光协会的book房步骤！
小编就建议大家可以喺询问内容嘅地方填多几间住宿，咁遇到想订嘅民宿已经爆额嘅情况时，观光协会嘅人就可以直接帮你问埋其他民宿。另外如果可以订，都要再次回信答复返系咪要确认预订。留意返，第二栏系要填写中文转换后嘅日文拼音㗎！如果大家都系觉得用观光协会订民宿麻烦，咁你都可以考虑“大田屋”，呢间民宿有提供英文嘅订房服务！
▶ 注意事项
1. 2019新规定：展望台嘅接驳巴士必须事前预约好
合掌村上年规定点灯期间前往展望台时要乘搭接驳巴士，今年多咗规定系搭接驳巴士要事前预约，并且要整理券先可以入场，当日入住白川乡民宿者会优先得到整理券，到时候只需要出示订房资讯即可。
整理券贩售场所：JA驻车场
贩卖时间：16:00~售完即止
金额：500日元
2. 2019新规定：只有持有停车许可的车辆方可在停车场停泊
为咗控制人流，合掌村喺点灯期间规定只有持有停车许可证嘅车辆先可以喺停车场停车，自由行嘅旅客只可以依赖巴士。
3. 部分巴士班次会采取预约制
因为白川乡夜间点灯举办日可能会适逢公车“高山－白川乡线”运行日，所以交通可能会变得拥塞，部分嘅班次运行时会改变搭乘方式，即系平时唔洗预约嘅班次会改用预约制，而详细资讯就以官网公布为准，所以小编建议大家出发前事要先查询各大高速巴士嘅官网～
4. 订房需要提早订购
基本上白川乡嘅民宿预约会由10月份开始开放，部份就由11、12 月份开始。如果已经确定要去，最好一早做定功课，一开卖就唔好等，以勿错过时机呀！
5. 相机、手机要预足电
因为合掌村天气比较冻，会导致手机或者相机电池消耗得比较快，所以出发前一定要充满电，或者带埋随身充电器，以防冇电嘅时候可以用到。
6. 电筒、遮、防滑靴
因为系夜间点灯，所以会喺比较暗嘅路度行，开住电筒系相对嚟讲比较安全嘅方式；另外可能会遇到落大雪嘅情形，所以亦都最好带埋遮，咁就唔惊会淋湿而冷亲；另外路面湿滑嘅关系亦都比较建议着防滑嘅靴，咁就可以避免跌亲之类嘅意外。
7. 夜晚超冻
去到合掌村，羽绒外套、颈巾、冷衫、手套、帽，任何可以保暖嘅野都唔好漏低呀！！下昼嘅气温已经好低，夜晚睇点灯时只会更冻！而且积雪好厚，建议着容易活动、轻便嘅衣物。
8. 唔系每个地方都可以Set脚架
最后要注意嘅地方系，想影靓相嘅人，唔系每个地方都可以Set脚架㗎！山坡地因为积雪同地势嘅关系，Set脚架系好危险嘅事，通常合掌村会设立一个可以Set脚架嘅空间，但多数都要好早就开始排队、霸位。
以上就系KKday为大家整合嘅合掌村点灯攻略，祝大家都可以成功咁欣赏到呢个又壮观又浪漫嘅点灯靓景啦！
【本文获“KKday”授权转载。】