手机快充不是电池寿命缩短元凶？专家指三件事才是续航力降低主因
香港人去到边都手机不离手，若想部手机用得耐啲，除咗日常保护之外，点样保持电池状态都好重要。现时不少中国厂手机都提供90W甚至120W不快充，不少网民都担心这样会缩短手机电池寿命，不过有日本专家解释话，快充其实不是电池续航力降低的主因，要维持 iPhone 电池嘅健康度，要注意以下三点。
日本网页《All About》专栏作家“ばんか”为“快充”讲好话，表示影响电池寿命嘅三大因素分别系：
1：充电循环次数
佢表示，快充唔系直接影响电池寿命嘅主因，而系因为充电过程中嘅一啲行为，令到手机过热加速电池老化。充电循环次数系影响电池寿命最主要因素，每次完整充放电都会令电池容量轻微下降。以 iPhone 为例，快充可以喺 30 分钟内将电量充到 50%，但由 80% 充到 100% 嘅速度会自动减慢，以减低对电池嘅负荷。所以相对嚟讲，快充本身嘅影响可以忽略唔计。
小米行动电源10000 165W MAX试玩｜自带线输出达120W有彩芒可登机
iPhone电池用半年仍保持100%电池健康度！专家教iPhone一设定必开
2：摆放环境嘅影响
长期将手机放喺太冻或者太热嘅环境，会令电池加速老化。比如有人自以为好醒目，以唔适当嘅方法帮手机降温，例如用冰块降温，可能会令手机内部出现水气。
手机充电的3大谣言 高温最伤电池 手机边玩边充到底有无问题？
3：高温造成嘅损害
ばんか表示，一边充电一边用手机会令手机过热，在床上一路充住手机玩到瞓著，手机被被铺或枕头盖过引至过热，又或者喺夏天太阳直射嘅环境下充电，都会对电池做成坏影响。
手机过热大陆网民竟放入雪柜？仲结埋冰！4招正确帮手机降温方法
选对的充电器｜更快充满、电池寿命更长
佢仲补充，如果想快充发挥到最大功效，就要拣啱功率嘅充电器先至可以提升效率。
以 iPhone 15 系列为例，支援嘅最大输入电压系 30W，如果配合高功率嘅充电器，充满电只需大约 1.5 个钟。但如果用 5W 嘅充电器，就可能要用 4 个钟。不过专家都特别提醒，一定要拣有品牌认证嘅快充头同埋快充线，先可以避免过度充电嘅风险。
消委会12款USB快充火牛实测、2款过热停机 附5个安全使用贴士
应充时就要充｜但不要长期过充
最后专家提到，合理使用先至系最重要。例如喺手机电量低𠮶阵就去充电，又或时常常用到“见红”令电量少于20%以下，都会进一步带来坏影响。另外唔好将手机长期插住电源，令电量维持喺好低或者好高嘅状态，都僧令电池寿命下降。