JB - 潮共 ：唔系为抽水 盲追潮流系社会问题

JB 自前作〈 点解咁撚肥 〉后，得到大家广泛的关注，新作 〈 潮共 〉传唱度亦极高，连在抖音都好多人玩，但有人投诉“点解个mv无潮牌？系咪无钱拍？”看来大家不明白JB的意思，睇睇佢详尽解说。

系呀系呀叻呀叻呀 知你好撚型 系呀系呀叻呀叻呀 知你好撚劲

〈潮共〉首歌讲乜？

JB ：本身〈 潮共 〉这首歌，好多人误会笑鸠潮童，抽鸠名牌，其实唔系，好多人误会咗我。个概念系唔需要麻木去追潮流，要尊重自己，要尊重返艺术。因为我本身做售货员，例如好多人买 Supreme ，其实都唔需要看款式，只要边件有佢size，就买那件。根本都唔需要理自己钟唔钟意𠮶件货，只要系 Supreme 就得，呢个系一个好撚大嘅问题。

可能听众误会了keep住去抽水去笑鸠人，因为香港人就系喜欢呢呃啲嘢，但我本身概念唔系咁。

例如你唔需要知道 Kanye West 系边个，而家兴 Yeezy ，就买 Yeezy ，我知道呢样嘢就可以吸引到人哋嘅注意，根本唔尊重艺术，唔尊重自己，无咀嚼过自己钟意乜嘢，一直俾潮流拉撚住，其实我想表达的意思系著乜都好，最紧要自己钟意，而唔系为了满足别人才去买。著衫应该系满足自己，唔系满足人哋嘅概念，〈 潮共 〉就是要表达这个概念，但可能听众误会了keep住去抽水去笑鸠人，因为香港人就系喜欢呢啲嘢，但我本身概念唔系咁。

介绍一下今次嘅音乐班底？

JB ：音乐班底其实就系我同 GREYTONE 嘅成员 KENI ，佢本身唔系整beat，而系唱歌，于是我们就研究一下。我写咗啲词，揾佢一齐食个午饭之后，就上咗佢studio，即系佢屋企，突然好 free style 咁，做咗啲 beats 出来，再放啲歌词入去，即日完成。可能成件事只系用咗六个钟，成件事好得意。

整个〈 潮共 〉mv 出现区议员同永发茶餐厅嘅视觉元素，构思系点？

JB ：今次个mv我想讲多少少，其实大家都误会咗个原意。首先， WavyBoys 条一班朋友好钟意拍嘢，我负责音乐，佢哋的负责视觉。设计上有政党意味，又有永发茶餐厅，构思上唔系想抽潮童水，好多人话个MV好普通，格格不入，但呢班人无咀嚼过个首歌嘅意思。佢哋想睇我掉一堆好多牌子，一班潮童俾我打，坐住嚟rap，有咁抽水得咁抽水，先系一个好mv？香港人就系咁，无art sense？

扮区议员其实系我嘅idea，因为佢哋唔知自己钟意啲乜，lost咗个触觉，呢个系一个社会问题，兴乜就著乜，甚正只系满足人哋，自己都满足唔到。〈 潮共 〉这首歌嘅出发点，系分享一个社会问题，多过唱一首歌，就好似你同区议员讲地铁，同起乜起乜咁。

好想个mv多啲香港特色的味道，唔只系所谓打卡位嘅霓虹灯同彩虹邨篮球场，香港其实有好多唔同嘅文化元素。好多人会批评个mv同首歌格格不入，系咪无钱拍？如果我无钱，努力去揾咪得啰，惊閪咩！最紧要知自己想拍啲乜！呢啲在我哋生活身边常出边嘅视觉元素，我觉得好靓。

点样做一个唔柒嘅潮人？

JB ：柒唔柒，其实好睇你个人美感去到边，潮人只系集中于fashion，够唔够新、够唔够特别，多唔多人识。Fashion只系俾你吸收，真正著衫系叫style，如果你真系钟意著衫，应该著重于style，著自己喜欢嘅衫就ok。

Fashion只系俾你吸收，真正著衫系叫style！

著衫系睇点著衫，唔系著乜衫。最紧要拣适合自己，同著得舒服，一件好撚爆嘅衫，唔同嘅人著有唔同feel，要了解自己适合乜嘢。

在抖音有人用〈 潮共 〉音乐拍片，你点睇抖音？

JB ：我听过抖音有人玩，有朋友send过俾我，咪睇吓。可能有人会觉得好low好cheap，但我觉得无所谓。我整首歌出来，大家消化成怎样都无所谓。开心系去到抖音，可以再去远啲，始终系一首香港嘅广东话歌。

觉唔觉作粗口歌特别红？

JB ：唔觉得粗口歌特别红，有机会红嘅话，可能系有种舒压嘅感觉，同埋同身边嘅环境好贴切。

1月有乜show睇？