【港音监听室】“死港女”嘅迷阵：评 G T B 《大香港精神》
话说由 Serena 和 Ruby 组成的二人女子组合 G T B 的首张专辑《大香港精神》于 iTunes 作优先发布，本人二话不说就冲上 Apple Music 作深入聆听。
听完第一次后，我对专辑的印象如下：
“哗，咁 X 多粗口嘅？”
的而且确，在 Apple Music 的专辑上，显示出专辑里总共十首歌曲，其中有八首均标签为 “Explicit” 。喺我嘅印象里，除了 YoungQueenz 张《 Dragontown 》系首首都 “Explicit” 之外，分分钟 LMF 都无咁多粗口，如果加埋 Serrini 个人出品而又有 “Explicit” 标签嘅歌，呀 Serrini 分分钟可以话系香港最多粗口歌之女歌手！
当然，要睇一张专辑好唔好，又点会净系睇啲歌有几多粗口？虽然专辑未必合适全港莘莘学子收听（此专辑将于九月一日开学日在全港数码平台发布），粗口其实都只不过系一种修辞手法，只不过当今香港淫审当道，实体专辑分分钟会被包胶。不过鉴于今次专辑嘅内容也比较“大人”，绝非“ Family friendly ”之作。也许我们要问：
点解香港咁少成人向嘅音乐？怕教坏细路？
相信假如大家有听开 Serrini 嘅，都会知道有啲歌好似〈油尖旺金毛玲〉咁，系一个虚构人物嘅故事，而佢嘅旧作则有好多系讲佢自己嘅嘢，包括佢嘅感情世界。今次我反而有少少“听”唔透，Serrini 突然走“伪ABC港女文青 sista bad bitch”路线，然则佢一早就唔系走主流路线，而的确呢一种由社交互联网结合互联网论坛而成嘅厌女文化成为好多香港年轻人茶余饭后嘅话题，相信而家系香港精英大学读紧 PhD 嘅 Serrini 黎讲，一定见怪不怪，都相信佢系想代入呢啲角度，去 subvert 翻个文化本身。
倒系有啲位如果拿捏得唔好会比人觉得太 chok，例如喺〈 From Godric to Beyoncé God 给女生的三点建议〉里面，Godric 嘅独白听落其实有少少 dreadful，你话系 humour 但又去唔倒个位，你话系 mean 但又唔够 mean，你话系 advice？都算系嘅，但又好有种讲完等如无讲嘅感觉，又或者，其实会唔会系此曲嘅原意？整体而言，《大香港精神》似乎想表达一个由“死港女”角度出发，关于佢哋想统治香港同世界嘅一个理想，可以话系活在平行世界里最为奸险嘅 Serrini，里面有好多歌词啜核抵死，充分展现 Serrini 如何运用“死港女文体”去讲故仔，但都因为系一个“死港女”嘅世界，喺酒色财气嘅迷阵里，我睇唔到有出路。
＿＿＿＿＿＿＿＿＿＿＿＿＿
港音监听室 ｜ 不要为音乐愤怒，听太多音乐对耳朵会构成负担，我们总要宁静时。
作者：耳聋 ｜ 看破了对音乐的执著，旁观香港音乐的大小事。
相关文章：
如果你是13-24岁全日制学生，平日会睇骚、会影相、好写作或拍ig story分享比朋友，参加《手足计划》，做齐功课，便有机会被扭耳仔编辑团队挑选出来，拎免费门票兼一齐入Clockenflap后台，访问各知名乐队！