Edan吕爵安“公审”的士司机态度差　网民齐轰香港搭的士10宗罪

不少人在香港搭的士都试过坐到一肚气，近日MIRROR成员Edan 吕爵安于社交平台发文，指他电召的士接送，司机起初称需时8分钟，后来则称遇上塞车，最终花约20分钟才到达，在车程期间更向他抱怨，令Edan 不禁在网上出PO“公审”。其实的士司机良莠不齐，有时遇上态度差的司机的确令人生气，《开罐》列出10件香港人先明的搭的士血与泪，看看大家是否也有同感。

👉🏻👉🏻👉🏻00后港人移民英国　麦当劳打工1个月揭行内秘闻　最怕啲客咁做！

吕爵安在社交平台表示，司机不但按原定Call车时间迟到址，一上车司机随即抱怨“唉咁样塞一塞，真系嬲到震，唉我又做少支旗啦”，吕爵安闻言只无奈一笑回应，事后他发文揶揄：“师傅啊，善意提醒，其实你都嘥紧我时间㗎，定你想我代啲车塞住你条路同你道个靓歉？”帖文惹来网民热议，大批网民赞吕爵安脾气好，“等20分钟唔cut，Edan算好EQ”、“叫车要20分钟至到，普通人应该取消咗”、“其实佢已经好好脾气”。

讲到的士又点可以唔讲搭的士时曾遇过嘅各种血与泪！其实好多时搭的士都系为咗快，又或者因为唔识路先搭，偏偏命运总系作弄人，每次要搭的士嘅时候永远都系得对面线先有车，但到你行咗过对面，就会冇车畀你搭……

👇🏻👇🏻👇🏻点击图片放大看：10件香港人先明嘅搭的士血与泪！ 👇🏻👇🏻👇🏻

【1】短途就是错

“不幸”要搭短途，对方又冇拒载你的话，相信你成程车，都一定可以得到对方最高级别西脸礼！

【2】命运总在作弄

的士永远在你对面线，当你走过对面线时就会无车，然后你的对面线又有几部的士驶过…

【3】行李惊魂

每次见到师傅用𠮶条单薄嘅绳，去拉住车尾箱个啲比人更高的杂物，真系好惊佢一个抛车，啲行李就会好似倒钱落海咁。

【4】间歇性失明

每次同毛孩截的士，九成师傅突然间歇性失明，当你系幽灵，然后系你旁边风驰电掣嘅驶过……

【5】0舍1入

无论1毫定9毫，只要有毫子尾，就一定系进一嘅道理！

【6】灵魂烤问

你问我行上路定下路，我都唔知点搭你好，因为我都唔识路。最搞笑系，我答完你上路，你都系要行返下路……

【7】的士GoGoGo

每次搭亲85折的，师傅个軚盘上面都好似公园玩Pokemon Go啲阿伯咁，人均3部电话起跳，表演一路㩒手机，一路揸车的杂技，结果坐程的士都要祈祷。

【8】绿的迷思

明明绿的系新界的士，但每次搭绿的去新界地方，师傅都会搭我去唔到，究竟绿的可以去嘅地方系边度？

【9】中间人

跟朋友上车前暗地争取“排位”避开坐中间命运。不幸被命运选中坐中间，安全带永远都系不翼而飞，有嘅又唔知插左定插右，结果最后成程车变钟摆。

【10】上车战争

当你系条大直路上面截车，每个企系你前面嘅人都可能成为你嘅敌人！每一个眼神嘅交流都系大战前夕嘅挑衅，敌不动我不动，敌一动我两动，总之绝不可以畀对方企得比自己前。