父亲节｜网民放负叹港男一生命苦　12个奋斗蓝图做到死先财务自由

香港的楼价和物价一直冠绝全球，不想成为楼奴或为口奔波，不少人选择不结婚或单身生活。近日有网民写出香港男人的一生奋斗史蓝图，感叹很多人劳碌一生，却从未为自己做过任何事的无奈。不过，观点似乎不被网民所认同，有人指出楼主的例子只要撇除生仔依个步骤，基本上所有的问题即可迎刃而解！

网名“星野加奈”的网民近日在LIHKG讨论区上以“一般香港男人，一生奋斗，真正达到财政安定时，就差唔多要死”发文，一边描写出他们奋斗史的蓝图，一边感叹大部分男人毕生努力似乎都不知为了甚么的无奈。比如：人生的上半场在明白赚钱是怎么一回事后，便成了楼奴；下半场结了婚后就为家庭；相反却从没为自己做过甚么事。

👉🏻 👉🏻 👉🏻中大人警世分享　DSE摘5**读神科衰收尾　一事惨变返废工月入20K

👇🏻👇🏻👇🏻点击图片放大看： 网民推香港男人一生奋斗史蓝图吧！👇🏻👇🏻👇🏻

17岁开始返part time揾下钱，“努力一啲，要比同龄人揾多啲！”

23岁毕业，发觉之前咁多年揾嘅钱，全职返工几个月就揾得返，“终于知道点揾钱，咁就努力啲揾钱啦！”

27岁，开始揾钱已经十年，储到啲钱，但同时又觉得要买到楼先系真正证明到自己努力，“咁唯有再努力啦”

31岁，死悭死抵，出街唔食贵野，工余时间有时揾下外快，终于储到首付买到个1房，只系1房，其实结婚后唔够住，所以只有再努力，心谂，“至少我比一般人好好多”

34岁，有咗自己家庭同小bb，乐也融融，唯一家3口仲系住晌个一房单位到，老婆又想半退职凑b，又想有个工人执头执尾，好啦，“再努力啲，搬个大啲单位”

37岁，终于等到楼升，好彩自己做咗个好嘅决定，按咗层栖，可以买到大西北3房，返工系远啲，但起码安逸，小朋友有空间，又可以请工人，但1000万负债点都要还，“要更努力工作啦！”我鼓励自己

42岁，体力下降，人工几年都无加，因为屋企洗费，其实每年都储唔到十万，去一次旅行就无咗一半，咁啱老婆又话要买部车代步，因为下下大西北去边都唔方便；好啦，同时要帮屋企供保险，“要为将来打算吗，咁再努力揾钱啦～”

50岁，户口终于有返100万，层楼仲有8年就供完，就快可以脱苦海啦！ 但呢个时候，屋企两老开始有大大小小嘅病要你帮手畀钱，小朋友又开始计划读大学，作为好爸爸想帮佢，又俾一笔学费，呢个时候老婆都基本完全无晒工作能力…“好啦，再努力挨多几年，就可以唔洗再努力啦。”

53岁，返咗好多年嘅公司已经唔想再留你，因为仲有好多识得多嘢过你，比起你更可以OT嘅年轻人可以用，人到中年，你想努力都无得比你努力啦，结果清埋d假，拎返十几万，你就再唔属于呢到…“我可以再点努力呢？”你问自己。

56岁，靠著一直以来嘅积蓄，同埋返两更管理员，都叫做勉强应付到屋企嘅洗费，但唔叫做多啰，但起码有个地方瞓，有个屋企，户口有几十万用，都开心呀，“我呢一生应该都活得叫好挂？”

60岁，终于供完层楼，小朋友都可以自给自足，父母都离世，老婆亦好多年无乜倾偈，谂返起呢60年奋斗，终于可以安定，自己仲有咩想做？有好多，但已经再无周围探险嘅体力，每日晌楼下行下公园，就已经系我嘅世界。

65岁，身体开始有大病，睇住个户口计埋强积金有二百几万，但同时香港食个m记都已经要200蚊，搭巴士一程已经100蚊，几份保险啲钱放今时今日都唔会够用，间屋都30几年，又要畀笔钱维修，人亦开始思考死亡，回想过去，好似呢一世唔知做过咩咁。

“到底我一直努力为著什么而活呢？” 我问自己。

帖文一出引起了不少网民的热议，但搞笑的是不少网民认为楼主的蓝图并不合时宜，且不够贴地，并留言道“如果唔生仔，基本上31岁后的所有问题都可以解决！”、“呢个唔系一般男人嘅故事，只系无父母干男人嘅故事”、“唔生仔成为最大赢家，系香港点解要生仔？”、“呢个故事已经系好畅顺嘅仕途”、“呢个故事个男人都唔系好努力啫，只系一般平庸咁生活。”、“讲到香港男人个个一个人买楼养家咁，根本现实系大把公一份婆一份”等。

👉🏻 👉🏻 👉🏻91岁女神黄夏蕙8月移民　16岁靓样曝光　网民惊叹:当年靓到沊一声

同场加映：移英港人呻难顶5大鬼佬陋习　入屋奉旨唔除鞋、洗碗唔冲洗洁精？!

【英国/移民/落雨/文化差异】近年有不少人移民英国，但其实在移民后要融入社会也有一定难度。日前有居英20年的港人YouTuber上传一条影片，分享了5个他不论住了多久还是无法适应的英国人习惯。

点击连结看全文：移英港人呻难顶5大鬼佬陋习　入屋奉旨唔除鞋、洗碗唔冲洗洁精？!