【拍拖要考牌#3】大学生投稿求救：女友话同我相处唔自然点算？

爱情求生手册！情路上陷阱处处，一不留神激嬲男/女朋友，从此过著惨痛的生活。香港地岂止生仔、担遮要考牌，《开罐》为各位爱情新牌仔，增加情场求生技。
📧 如果你遇上感情难题，可以email到opener@hk01.com，《拍拖要考牌》会邀请专家免费为你解答。 📧

最近《开罐Opener》收到署名S的读者来信。S是位男大学生，拍过2次拖，虽不是A0，但S指自己不善与女生相处，甚至曾经被前女友指“同你相处好唔自然”。S自觉不太懂搞气氛，故投稿向专家求救如何与女生相处，以下是来信全文：

Hi 恋爱专家：

睇到你地 A0 Grad 个 Facebook Post 我就想揾你地倾下我嘅问题。

我就唔系A0，拍过两次拖。但其实我觉得我都唔系真系好识同女仔相处。第一次拍拖喺中学𠮶阵，虽然拍咗三年，但𠮶阵大部分都系个女仔Carry 我；第二次拍拖喺一年前，但拍咗三个月就散咗，个女仔话“同我相处好唔自然”。

我好记得呢句说话，慢慢都觉得可能因为咁而咁快散，喺度谂紧系咪我问题。因为我觉得我同女仔相处，唔似得同男仔咁有共同话题，有时都会唔知讲咩好，然后夹硬揾野讲𠮶阵会仲搞到怪。

我系啲识应人，但唔系太识开话题同搞气氛嘅人。畀到一个明确嘅话题我发挥都Ok，但要我例如食饭𠮶阵，无啦啦谂嘢讲，甚至引对方笑，就唔系我强项。拍拖𠮶阵都系讲自己嘢同埋同佢啲嘢。平时都有女仔朋友，不过都唔算太熟，起码佢地最熟嘅Group一定唔包括我。

其实有咩方法，可以令到个气氛更加好？令到女仔觉得同我相处系自在（因为我觉得相处嘅好大部分，都系在于沟通上）？
一对合衬嘅情侣相处𠮶阵，会讲咩或者点样令到大家越倾越开心？

虽然你个Post 话 A住Grad 都唔系坏事，但我都系唔想A住Grad。(哭) 
有冇咩建议畀到我去解决以上问题？

谢谢你啊！

By S

无可否认幽默的男士较受女性欢迎，但这不代表不幽默的男士便毫无市场，只要平时与女生相处不那么严肃，谈东谈西便可以了。当然，讨论较深入话题时便不要太轻佻，说无谓的冷笑话。

专家：交谈时应留意女生反应

前新闻主播兼HK Romance Dating极速约会公司创办人黄嘉如 (Yubi) 指，看情况S的核心问题是内涵与同理心不足，以致要硬找话题。她建议S平时多留意时事及市场资讯，那他便能跟女生自然地交谈，就如最近流行“童颜app”，假设他不玩，也能与女孩子讨论一下。

Yubi亦建议，S不妨多看书与电影，那平时就能轻而易举展开话题，女性都较欣赏知识丰富的男性。此外，S在交谈时宜多留意女生反应，例如S自己所讲，最后是女方主动告诉他，他才知道对方相处时感到不自然，显然平时没留意女方“眉头眼额”了。

▼▼▼▼点击看专家5大贴士▼▼▼▼