【香港01 X ICMA大专联校歌唱比赛】戴盈：因为公公才爱上唱歌

【香港01 X ICMA大专联校歌唱比赛】进入复赛阶段，34强参赛单位经已诞生！他们将会与18个大专校园冠军，一起争夺决赛资格，踏上麦花臣的舞台！以下为复赛参赛者【30】戴盈自我介绍。

戴盈 Tai Ying （20岁）

学校： 香港知专设计学院 (HKDI)

科目：fashion design

年级：Year 2

唱歌令我个人有多一个纾缓情绪的渠道，有时候压力好大既时候，开首歌来唱，放松下，个人都会变得舒服啲，又可以重新调整自己心态！

Hello大家好啊！我叫戴盈Natalie，今年20岁，宜家喺香港知专设计学院读Fashion Design Year2 嘅学生！

我由好细个好细个就好钟意唱歌。大概6-7岁嘅时候，已经成日冲凉嘅时候喺厕所唱歌，成日都比人闹 “嘈死人啦”!

我之所以会钟意唱歌系因为我公公！我公公系一个做歌舞剧嘅演员，佢由细细个就教我唱歌，教我跳舞，又成日带我去睇歌舞剧，喺佢嘅薰陶下，我就爱上咗音乐同唱歌啦！

我参加比赛嘅原因有好多，因为我想令自己不段甘进步，想吸取多啲经验，从而令自己变得更好！但最大嘅原因系因为，我想证明比所有曾经话我唔得，觉得我做任何事都会失败嘅人睇，就算我冇好精致嘅样，我都可以凭我嘅努力同力去吸引人们。

唱歌令我个人有多一个纾缓情绪的渠道，有时候压力好大嘅时候，开首歌来唱，放松下，个人都会变得舒服啲，又可以重新调整自己心态！

我有段时间，因为一个比赛，每日疯狂练，结果因为唔识用丹田发声，所以令我声带受损，足足成年都系烂声，当好返嘅时候，把声已经回不去以前嘅清澈，不过，我因祸得福，现在嘅我，可以唱啲比较伤心既情歌，呢把烂烂地嘅声，唱出来都有唔同嘅感觉！

我想同所有人讲，勇敢去做你自己认为啱嘅事！不好理其他人嘅闲言闲语，因为我相信，总会有人支持你，总会有人会明白你所坚持嘅事！相信自己，冇野嘢会难到自己！如果你同我一样嘅想法，我希望你地可以投我一票！多谢！

【香港01 X ICMA大专联校歌唱比赛2019】 选手简介及最新报道【请按此】

复赛详情

日期：2019年4月27日（星期六）

地点：赤柱广场

决赛详情

日期：2019年6月26日（星期三）

地点：旺角麦花臣场馆

＊密切留意决赛购票详情＊