【恒生大学】升格做全港第二间私大 终于可以大叫“恒大有落”
撰文： 过期大学生
出版：更新：
行政会议正式宣布，将恒生管理学院升格做大学，并正名为“恒生大学”。对于一群恒管学生而言，这不只是大学的升格，更是代表著身份的改变。
今日，
我终于可以大大声咁，
喺小巴大叫“恒大有落”，
好多连登仔高登仔，
成日笑＿我哋系含大，
而家就真系含辛茹苦
终于变大学喇。
升格大学其实谂都冇谂过，
大把大专排紧队，
点知一系唔变，
一变就好似美源发彩咁，
立即变大，
得，得咗。
放榜之后，
去咗树仁排队，
睇见佢哋成间中学咁，
不过都顶硬上，
可惜佢哋冇畀一个顶硬上的机会我，
两手准备，报埋恒大，收咗。
入去𠮶阵，
谂起𠮶篇潮文，
“有数栋好有霸气嘅既建筑物，
坐立喺山与屋村中间”
虽然见唔到地盘佬，
但都忍唔住笑左。
叫落车果时，
我都系冇胆叫，
“恒大有落唔该”，
一来怕畀人笑，
二来真系唔系恒大嘛。
读左几年，
话冇归属感就呃你，
但系咪好开心呢，
又唔算，
系为我老母开心啰，
因为佢个仔终于系一个大学生。
仲记得当初决定入，
好多人话佢系学店，
学费要8皮，
对自己同屋企都好大负担，
可能天份唔够，
但我都真系想读书，
有时我都会笑自己学校系含大，
但我心底里都知道，
系佢畀咗机会我。
下次返去，
我就真系可以大叫“恒大有落”喇，
咪＿再笑我！