【毛孩与我】当宠物踏上彩虹桥 过来人分享6件事你要准备
爱护动物无分国界，《香港01》宠物频道及其facebook专页欢迎你投稿。本文是吴小姐的投稿，她分享了与家中狗狗小白走完最后一程的经历，并分享宠物善终服务的流程，希望这些资讯对宠主有用。
吴小姐，已有17年的养狗经验，家中的狗狗小白就像亲妹妹般，由小学时便一直陪伴左右，但最近小白不幸离世，有感宠物善终的事鲜有人提及，所以希望透过文章，让更多人初步了解善终服务程序和大约的收费。
好似无咩人分享过狗狗离世后喺善终服务果度嘅细节，想喺度做个分享，希望可以畀各位有需要嘅家长参考，为狗狗做充足嘅准备（如果啲相令大家不安，请见谅）
事前其实我无仔细分析过各间善终嘅分别，只系简单地问过吓边几间信誉较好，因为我觉得做呢啲research好灰，但无想过一切发生得咁突然...
以下系我光顾情x在服务嘅经过：
【1】 当日通知善终公司上门收走遗体，佢哋喺电话报咗价（我狗狗约6kg，$1800要落$1000订金，价钱已包骨灰坛）佢哋就用合适嘅胶箱收走遗体，架车喺特制嘅，后面车箱好似雪柜咁放满一个个胶盒。
【2】 事后第二日已经安排到火化，间善终公司位于葵涌工厂大厦，位置较偏僻，附近比较杂乱，如果真系讲方便可能未必系个好选择，但入到去环境都算干净整洁。
【3】 火化前可以帮狗狗准备食物、玩具、衫、被、狗带、花等等。要留意如陪同一齐火化嘅食物类，系唔可以有筋或骨，佢呢间有提供纸碗放食物，但以防万一，建议自备免得放唔到食物畀狗狗。而其他物品有胶质嘅，都唔可以送入去火化，所以被同衫要选100%绵质，衫要剪去钮扣、拉链、魔术贴 （真系入唔入到炉，要由火化师决定）相中紫色布系有陪佢入炉嘅，但我有提到想张被陪佢入炉，但佢哋话张被太大，所以要求剪细啲（我唔清楚佢果度有无提供剪刀，但我自备咗自己嘅剪刀）
更多宠物文章：【毛孩与我】张小姐：人鼠关系，只因缘份到来
【4】 当日佢预畀我哋既时间系2.5小时，去到先选中式定西式（可能当日无其他狗），前半小时畀家人静静陪伴狗狗。当时狗狗身体仲系柔软嘅，好似瞓著咗咁，而且身上依旧有佢阵味，无刚去世时咁僵硬，我谂佢哋做咗啲手脚帮佢回温（我唔清楚如果雪得耐嘅狗狗系咪都可以咁）而我狗狗离开时系开眼嘅，去到见佢合埋咗眼显得几安详。然后半小时后，帮佢过床去个铁盘度入炉。当日我好匆忙所以无准备花，但佢都畀咗几朵小花我哋送别狗狗（少少感动）
【5】 入炉后会问你要唔要睇住佢起火，我选择咗关门，然后㩒制。之后安排我哋喺休息室静候啲骨灰。喺等候期间，佢会问你要咩骨灰龛同要自己选一张相，用嚟贴喺上面，所以建议事前要储定啲相喺手机内，方便佢哋做嘢。
【6】 啲骨烧到咁上下佢会问你要唔要睇啲碎骨，即系已经烧完等入骨灰坛，我狗狗骨轻，所以1个小时就完成。
成个过程都几满意，完全无sell野，只系问要唔要keep佢啲毛发用嚟做饰物果啲...去之前我查询咗想做个脚掌印，但都几贵下（$1xxx）所以预先喺BB店买咗个BB手掌kit，快快手帮佢整咗做留念。
更多宠物文章：【毛孩与我】林若曦：因为养狗，整个生命仿佛更完整了
真系好多谢你17年嚟嘅陪伴，你一直好乖好懂性，带咗好多欢乐畀我哋一家，生前你最爱跑跑跳跳，但临终前只可以喺轮椅上行。我知道你有啲唔开心，希望你日后喺彩虹桥继续开开心心，可以好似以前咁自由奔跑。
我们爱护毛孩，支持领养，欣赏所有负责任宠物主人，我们和读者都有共同信念，矢志为宠物提高生活质素 。因此，我们诚邀你分享饲养心得、宠物成长故事，以至是可爱短片、图片。投稿经 #毛孩子 编辑部润饰后，我们将为你开设专栏，于FB及hk01网站、手机App上发布，让更多人可以分享到你的心得和见解 。
投稿可电邮到
anistory@hk01.com
主题请写上“投稿毛孩子”
初次投稿者请提供个人照片、个人简介（100字以内）用作开设专栏