直播拒载的士司机唔惊警察　林子博：听讲佢哋拣游客载　

无线艺人林子博昨晚在Facebook专页，拍片直播尖沙咀广东道的士拒载情况，当时子博声称该处的士“有冇冚旗都好，都系唔载嘅。”跟着镜头对着其中一位的士司机，问对方“上唔上得车呀？”该名正想点烟的司机，表示“我唔上呀，我依家休息呀，(休息但系冇冚旗？)唔冚旗犯法呀？”当子博呼吁网民给他投诉电话，该名司机神态轻挑，更说：“Ok呀，快啲叫差佬嚟。系呀，一定嚟，吹我呀。”而他驾车离开前，更抛下一句“个个都接，系唔接你。”

片段出街后，不少网民也支持林子博，叫他投诉的士业的害群之马，而子博接受《香港01》访问，事隔一晚他的怒气仍然未消，他说：“拍片𠮶架已经系第4架的士，当时一家人过海返屋企，头两架都冚旗，咁冇法啦，到第三架司机冇冚旗嘅都话唔去，再问第4架都拒载，当时我忍唔住问“唔去摆喺度做乜。”佢答我：“你理我啫，我等朋友，等朋友一定要冚旗？”佢态度唔好，我先忍唔住拍片。

林子博还慨叹说：“香港的士业系咪真系要俾人睇死呢？”虽然该名的士司机，嚣张地叫子博报警，但当时子博未有行动，“在于我嚟讲，我又唔会咁样浪费警力，唔系咁用㗎嘛，唯有记低车牌，揾交通投诉组投诉佢啰。”问到子博对方拒载原因，子博表示：“我有啲朋友喺尖沙咀做嘢嘅，呢个问题好耐㗎啦，佢哋会拣游客，因为𠮶一带好多游客嘅，例如去兰桂坊嘅，要加200蚊㖞。当然我唔知系咪真系咁，都系听返嚟。”

在经过拍片事件后，第5架的士终于肯载客，但也要预先问过目的地，子博前后花了半小时才跟家人上到的士，“我就话唔赶时间啫，如果撞啱有人赶时间救命点呢？”问到子博可会跟进拒载事件？他说：“有好多人建议我，可以举报佢食烟，去控烟办投诉佢，但对我嚟讲一件事还一件事，我觉得拒载系最大问题。依家上网都可以投诉，差人会跟进，有时间就直接去湾仔总部投诉科。”

虽然有不愉快经历，但他却说至今仍未试过改搭Uber，“有咩方便得过搭的士，Uber咪又要call又要等，而且我觉得都要对的士业公平啲，的士牌唔平，司机又要考牌，冇理由Uber咁容易入咗嚟。”不过问到子博有何建议给业界，他亦无奈表示：“除咗自律真系做唔到乜嘢，差人间中放蛇冇乜用，不如整个扣分制，俾人投诉得多，扣晒分就冇得揸。”的士业界出现害虫，作为普罗大众遇上拒载情况，一定要勇于举报，绝对不能姑息。