李嘉闹《包青天》导演唔识尊重演员　武神爆seed：唔系靠大声靠恶

演员们付出过的努力同汗水当然希望可以获得观众的认同，但最后竟然连名字都没有印在海报上，又真系讲唔过去。TVB“打得之人”的李嘉最近就忙于拍摄剧集《包青天再起风云》，在剧中饰演王朝嘅佢见到海报有自己个样但名字却消失了，令他立即在Facebook出po并表示，“从开拍至今我们也不知一起挨了多少个通宵！我们对白虽然不多，但每集都是有份参与，甚至也有影在宣传海报上..但为何最后却连演员名字都没有印在海报上呢？！你当我们是友情客串？！还是老临呀？！”一班网友见到后都好火滚，认为TVB好唔尊重佢！其后李嘉接受《香港01》访问时就透露，“开拍之前佢地打俾我就话今次角色，戏份都好重，影海报有份。其实当时我要搞开武馆同餐厅，听到佢地咁好咪接，所以个阵我都好快咁搞掂武馆嘅事。”

李嘉之后续道，“隔无耐佢地又话唔洗影海报，咁都算喇，继续拍戏。拍到两个月多啲又话要影。唉，你话乜就乜，咪去影咯。去到琴日我见到微博张海报，无我地嘅名字，点解咁奇怪，系咪沟通出问题呢？”他表示之前都未试过咁，“今次真系半字不提，已经唔去讲公唔公平，唔敢同佢讲公平，一定唔会有。讲真讲求财，我钱真系唔缺，求名都唔需要，只系当练下功夫。点解一个基本嘅尊重都无。”

李嘉在访问中亦讲到知道只能够“呻”两句就算，“最好笑我系微博见到后骂我有留言，点知个留言之后俾人delete咗。我都唔怪TVB，我知道成个TVB有好多部门，系部门定一个人错呢究竟？！”他指今次TVB在拍摄上都同以往唔同，“因为佢地想拍到好似内地嘅水准，以前一句对白最多拍一个8-9个take，而家我地系要拍20几次。人地内地拍剧用一年嘅时间拍，但而家系要4-5个月之内拍完，我觉得系要考虑下整个配套。因为有好多演员都拍到病，系顶硬上。”李嘉指自己虽然是饰演王朝，但好多戏份都要在场，“做包青天同公孙先生个个咪仲辛苦，所以一定要讲出黎！”

见到李嘉一次过讲咁多事，都睇得出佢嘅无奈，他解释自己一向不会睇人眼色嘅人，“好似打功夫咁，你打我一拳，我一定还返，系本能反应。因为你唔讲只会积累越多，对TVB，演员甚至整个电视行业都唔好，会系恶性循环。”他指出有咁多演员离开TVB都是因为工作环境，“如果系重视演员，至少都要有一个舒服的工作环境，起码系互相尊重。”原来他其后透露导演有时候都不太尊重演员，“唔系靠大声靠恶，好多工作人员都唔buy佢呢套，大家都差唔多年纪，应该都有文化水平，希望可以俾啲尊重大家。”

其后Bob接受《香港01》访问时就指，“好多人都有过呢个经历， 有我份嘅嘢但无我个样，以前系电台或者出面做嘢都试过遇到咁个情况，唔系单一事件。呢啲将来回想返都系一个经历，令到自己成长。”提到李嘉之后都有回应Bob的留言并写道，“仲要带住呢种感觉挨多60几日。”有网友指他们的对话好高质，问到Bob如果遇到这些情况，会否向公司反应？佢就话，“唔需要反应，宁愿自己做好啲去到有一日唔洗你出声，唔出你个名唔出你个样唔得，我会咁样去推动同帮自己打气。”