【栋笃特工】编剧爆星爷创作秘技　李思臻：佢连标点符号都会细执

过新年一定要看周星驰，相信没有人反对，《家有囍事》、《行运一条龙》、《西游记》等，即使重播N次，对白已经背得滚瓜烂熟也好，依然好笑过现在所有笑片，《楝笃特工》编剧李思臻，之前帮星爷写了《西游伏妖篇》《美人鱼》，和星爷一起工作了六年，每次开会都十个八个钟，星爷系点？佢应该好清楚，安排这次访问的朋友，一直提醒要问关于《栋笃特工》，但我真的忍不住，究竟偶像是否如《食神》的史提芬周一样，似地狱来的使者，还是似《破坏之王》的阿银，宅心仁厚，但相信大部份星爷fans最想问的是，“点解星爷唔再有幕前演出？”这个问题李思臻为大家问了“我私底下有问过呢个问题，但佢反问我，你觉得我有咩角色可以演呢？”有呀！奸角未演过㖞，不过星爷做奸应该都好搞笑。

【栋笃特工】做星爷御用编剧要考牌　李思臻：佢叫我返去写3场戏

【栋笃特工】黄子华爆10大制作秘闻　“佘诗曼本来系揾我开剧先”

曾跟星爷合作的，很多都不欢而散收场，令很多人以为他就是《食神》入面的史提芬周，难以相处，但李思臻就十分欣赏星爷对电影的热情，“佢个人几friendly，只不过比较慢热。初头半年我哋度剧本，真系好正经咁坐喺办公室对住，大家只系倾剧本，半年之后就咩都讲，佢见到报纸发生咩，都会同我哋分享下......佢系电影痴，未见过一个人咁投入做电影，下昼两点叫你开会倾剧本，倾到8点，叫你一齐食饭，一边食饭一边倾到11点，就叫大家返去再谂下啦，可能大家有个point谂唔到，听日大家公司见啦，跟住第日返公司一坐低，佢一坐低就讲‘寻晚果个point，我谂到喇’，佢唔止一次系咁，成日都系咁，如果佢开一套戏呢，除咗训觉𠮶几个钟之外，基本上佢所有时间都系谂剧本，返到屋企好似唔使瞓咁，第日又同我哋讲‘我寻晚睇咗套戏，点点点，你哋返去睇下啦，有参考价值。’你会谂点解呢个人咁多时间？其实做电影就系佢最大嘅娱乐。”

子华、星爷最肯聆听：唔出声系专心听你讲嘢

李思臻能够和黄子华、周星驰合作，真的令不少人羡慕，他不想比较二人，但他认为两位都有一个共通点，就是肯聆听“佢时不时会叫其他导演、编剧上嚟倾下计交流下，因为唔同人有唔同角度，可以刺激到创作。所以有啲唔系太熟嘅人，以为星爷唔出声，其实佢系专心听紧你讲嘢，会唔会某一个point，某一句有用呢？”有很多笑匠，私下其实不懂玩笑，但李思臻就表示星爷为人风趣“试过同一个笑话，我讲一次，俾佢再讲一次系好笑好多㗎，你就会发现佢真系天才。”

编剧爱不断加料来丰富剧情，但李思臻透露星爷爱用“减”法来写剧本，“好多时度剧本，有咩就加哂落剧本度，星爷都系咁，有咩加哂落去先，但到最后佢就减，有咩系真正有用呢？帮助剧情推进呢？佢要剧本简单但要精致，故事越简单越好，但每一场要做到最尽，呢样嘢同星爷合作后，好影响我系创作上嘅方向，同埋佢真系勤力啰，连星爷呢啲天才都咁勤力，每日不眠不休咁磨𠮶剧本，我哋呢啲凡人，仲点偷懒呢？其实度剧本同做人一样，简简单单但做好每一样嘢，做到佢极致就得㗎喇。”

可能是完美主义，令星爷不再有幕前演出，李思臻更透露星爷在片场其实很攰“佢同我讲过做导演已经好攰，佢再要演埋就更加攰，佢拍戏𠮶阵，佢系成套戏所有角色都演一次，只要镜头出现嘅，就算系临时演员，佢都会教佢做反应，亲身做一次俾佢哋睇，拍《美人鱼》有次好记得，所有人准备紧一个镜头，我就见佢攞住个剧本企埋一边，合埋眼谂紧经咁，我就行埋去睇下咩事，听到佢谂紧成场戏所有人嘅对白，佢系度执紧呢句对白应该点讲呢？节奏系点呢？佢系细致到连标点符号都要计埋嘅人，例如：‘点呀？今日食咗饭未？’𠮶呀字拉长少少，又会系点呢？定系将佢改为今日食咗饭未呀？佢每一句对白都研究。”