无线主播林子博囝囝进军乐坛 组Idol Junior入行卖萌
撰文： 史顺宜
出版：更新：
TVB娱乐新闻台主持人林子博早前把贺年歌《四喜林门》派到电台。这首贺年歌曲除了串烧多首听到intro已经识唱的传统歌曲外，也是他一家四口一起合唱，所以歌曲也取其名为四喜“林”门。不过有趣的是，当上网搜寻歌曲的MV时，歌曲原来早于一年前已经完成并上载到Youtube，却在今年派台。
当子博《香港01》访问时，他回应：“旧年新年嘅时候我去咗韩国，三月同四月又去咗日本，因为自己挂著同啲细路仔去旅行所以就冇时间派台宣传。我成日觉得贺年歌付每一年听一次都冇问题，而且今年我又有新歌《大大小世界》所以想一次过推出。”如有留意TVB歌唱节目的话就会知道子博当年也是《星梦传奇》参赛者之一，向来喜欢唱歌的他也曾推出歌曲《小人儿》唱出爸爸对孩子的话，而新歌《大大小世界》也是一首唱出家长对子女管教之心声。
提到子博的子女也继承了如爸爸般的表演欲，囡囡林咏渝已是大台童星，曾拍多套电视剧。至于囝囝林卓楠最近更签约为童星组合Idol Junior，“其实我唔抗拒佢哋做呢行，只要佢哋开心就ok。不过阿女就真系大瘾过阿仔，佢主要拍剧多。至于阿仔佢嘅性格好特别，佢好有自己嘅一套谂法。阿女佢为咗一场戏佢可以彩排好多次，但阿仔就唔得。所以佢暂时啱做一啲真人骚，表演等等。阿仔自从参加Idol Junior之后，对唱歌跳舞兴趣大咗。佢日日都会跳，我见到佢咁有兴趣我都觉得好开心。”
子博续说：“坦白讲佢演艺天份唔算高，不过佢如果拍一啲真人骚类型嘅节目反而会好好，因为佢嘅真性情系好好笑。佢唔会理有冇镜头，要嬲就嬲。我觉得观众会钟意睇呢啲。佢性格真系好得意，只要你赞佢，鼓励佢，佢自然会对呢件事好有兴趣。”