【多图】艺人婚照类型多元化　岑丽香陈柏宇孙慧雪各有特色

撰文： 洪晓璇
出版：更新：
岑丽香婚前公开嘅婚纱相，其中一部分都喺影楼取景。

想当年父母去影楼企定定影相，依家睇番好似好娘，不过雨侨同罗力威嘅Studio婚照一出后，令唔少人惊觉原来潮流又返嚟啦﹗近年个个结婚都话要去韩国影相，男嘅GEL头扮OPPA，女嘅鱼尾婚纱显S身型，原来Studio婚照番兴都有密切关系。著名婚礼摄影师Stephen Chu表示：“其实好多客人会先影室内婚照作热身”到底点解呢？

雨侨同罗力威呢辑影楼婚照真系相当特别。

【多图】胡杏儿御用星级影楼　雨侨罗力威森林婚照原来喺香港影

雨侨罗力威结束8年爱情长跑 公开婚纱照宣布331拉埋

摄影师Stephen笑言，依家嘅影楼同当年父母辈影嘅已经有相当大分别。（受访者提供）

“其实依家香港影婚纱相，好多客人会选择影STUDIO作为热身，喺室内环境唔需要受天气等外在因素影响下，同客人沟通得更多，一对新人亦会容易放松去练习笑容、Pose等，客人影完室内再影室外，成件事会更事半功倍，面对镜头时已经习惯咩笑容姿势系最自然最靓。”

准新人唔习惯喺镜头前摆Pose好易硬晒軚，摄影师Stephen就话先喺Studio拍摄可作热身。（受访者提供）
依家影婚纱相真系好多花款，余文乐同太太即使系黑白婚照一样咁甜蜜。
摄影师镜头下好多都唔系艺人，Stephen话喺影楼拍摄可以慢慢寻找准新人最自然最靓嘅角度。（受访者提供）
拍摄婚照前先开会商讨，去番对客人有意义嘅地方，带埋代表佢地爱情故事嘅道具去拍摄，就可以成就独一无二嘅婚照。（受访者提供）
+8