【叱咤】谢霆锋上载彩排片段　Chef Lemon弹结他真系好热血

《叱咤》颁奖礼已经圆满落幕，不过大家有上网都知，好多人仲依旧疯传颁奖礼片段，特别系谢霆锋及陈奕迅两段表演更加系令人回味无穷。完show后唔止观众，两位当事人都有update社交网站分享感受，Eason话自己：“都系有啲紧张嘅，上去呢个叱咤（舞台）…几好吖，有啲肾上腺素嘅郁动。”至于霆锋更上载一条彩排片段，仲话：“唔知点解，rehearsal 嘅演出永远都系顺过出场？！”

颁奖礼结束后Eason于Facebook上载访问片段，被问到表演完有咩感受，佢就话：“都系有啲紧张嘅，上去呢个叱咤（舞台）…几好吖，有啲肾上腺素嘅郁动…都算完整完成个演出咁啰！阿炳（琴师）好嘢，阿Jan又系好辛苦，阿Jan都好好嘢，佢𠮶啲稿好难背，因为要夹Timing讲嘢，都几有压力。我就最易啰，因为我企喺度唱歌咋嘛！”刚好呢个时间Supper Moment上台献唱，Eason大赞：“佢哋好有Energy，真系觉得佢哋几好，佢哋啲Energy Level好劲！”有歌神大赞，相信Supper Moment几位成员可能仲开心过横扫颁奖礼。