连诗雅唔怕尴尬孖住Soler教英文　扮美容KOL中英夹杂吸人气

连诗雅（Shiga）中学时就读香港英基学校协会属下的英皇佐治五世学校，读国际学校自不然就令人联想她的英文应该唔会差得去边，但喺2013年演员Paul Walker不幸因车祸去世时，Shiga在Instagram Po相悼念佢，可能手快快将“Rest In Peace”写错做“Rest In Piece”，引起网民围剿，仲笑佢系“连Piece雅”。事情告一段落之后，上年她孖住叶蕴仪拍摄旅游节目《跟住矛盾去旅行》，去外国当然要讲英文，听落Shiga佢嘅口音几唔错，但Shiga全程对话都中英夹离，好似“样样嘢都要画格格，in the square、in the box”，令人听到一头雾水。买饰物时候讲咗一句“My finger is very small.”，又畀人系咁闹佢系“伪ABC”。

大家可以重温返Shiga讲英文嘅片段：

虽然Shiga成日都畀人借啲意攻击佢讲英文，但你愈惊嘅嘢就愈要去克服佢，今次佢同组合Soler拍摄港台节目《反斗英语》教大家英文，入面她是一个美容KOL，为了吸引大家睇佢，特登就扮“伪ABC”中英夹杂咁拍片放YouTube，然后Julio就会好似大师咁教返佢英文，咁大整蛊？不怕网民又笑她咩，但其实节目都好有教育意义，题材贴合返贪靓嘅Shiga，教大家美容相关嘅英文，好似擡头纹、鱼尾纹、法令纹等等，睇落冇咁Boring又几Useful，想学English嘅快啲睇返Shiga嘅Video啦！

想学返几句关于美容嘅英文就一定要睇喇！