专访｜黄心颖回应被指欠郑秀文一个道歉：做咗唔一定要公告天下
黄心颖这个名字，在2019年前是无线力捧小花之一，机会多到停不了，但“安心事件”的发生，令她断送大好演艺前程，形象、事业一铺清袋。时隔四年的今日，黄心颖人生发生巨变，以独立歌手身份重新出发、下嫁乐队RubberBand鼓手黎万宏（泥鯭）升呢人妻，正当事业、人生重新起步之际，偏偏又要面对爸爸的离世，一切一切就如她的新歌理念缘起缘落。对于“往事”，心颖如今勇敢面对，虽然是跌得好甘，但庆幸有这个教训，令她能活出另一个人生。网民一直觉得她欠郑秀文一个道歉，心颖表示：“其实做咗嘅嘢，唔一定要公告天下。”
新歌理念“缘起缘落”
黄心颖表示新歌《I Sleep》的创作理念是围绕著人生的缘起缘落，如何应对失去的心情，“我通常遇到唔开心嘅事情，就会去瞓觉逃避，但其实最后都系要醒过来去面对现实世界，《I Sleep》就系咁创作出嚟。”
黄心颖称新歌早于2020年已写好，也是她首次入录音室灌录的歌，但当时不是很满意，因为紧张又太多懒音，所以决定重录。而经过3年后，她称再录的心情分别好大，首次录时离那件事时间较近，是悲伤一点，但再录时已经没有那么负面的情绪，带著得与失其实没什么所谓的心情去唱，是会好听些。
自细爸爸管教严厉 “安心事件”令对方失望
而最近对心颖来说，最大失去的一定是黄爸爸的离世。说起爸爸，心颖已忍不住眼眨泪光，她引用新歌歌词“在那边天，约定相见”：“我会鼓励自己讲，爸爸系走咗，但庆幸走之前，佢都陪我走咗一段人生好重要嘅路，佢都喺我婚礼度，咁我觉得𠮶个就系失去中嘅得著。”
虽说女儿是爸爸的前世情人，但黄心颖表示爸爸自细对她们管教很严，爱锡之余也是一位“严父”，所以当时发生事时，的确令爸爸感到很难过和失望：“因为我自细系一个好鞭策自己嘅人，佢亦好信我，觉得唔驶担心我，但发生𠮶件事后，佢就觉得系咪自己畀我嘅教诲唔够多？系咪冇督促我呢？佢系有自责嘅，但我有佢同讲，呢件事系我嘅错，唔系因为你哋教得唔好而发生。”
黄心颖指当时爸爸是第一个闹她：“佢唔会氹我，佢系会话妳今次做错，妳要知道自己做错乜嘢。到适当嘅时候，佢又会知道我需要有个人去听我心事，但佢个角色都系教训我𠮶啲。”问到爸爸教训得最深的一句是什么？黄心颖回想说：“佢话：‘妳做嘢要谂后果，唔可以因为自己觉得可以做嘅嘢就做！’我觉得呢个系好大嘅教训，而且唔系得妳一个人，系会牵涉到好多人，呢个我会一直记住。”
在黄爸爸人生最后的一段日子，能亲手将女儿交托给一个爱锡她的人，算是放下心头大石。黄心颖哽咽说：“爸爸近年身体状况都比较反复，去到𠮶一刻，我谂佢见完我真系揾到一个锡我嘅人，放下咗牵挂，咁就可以安详地离开。”
与老公由相识到相许：畀到我一个好安全嘅感觉
谈到与老公泥鯭的邂逅，心颖称二人虽然相识很久，但真正接触是由她从美国回港后，对方在社交平台私讯一个打气留言“加油”开始，之后再因为她想养狗而向对方询问资讯，从而慢慢加深沟通和了解，后来发觉大家都几投契和适合，便在舒服的情况下开展恋情。
问到老公有何吸引她之处？心颖觉得：“佢系好踏实，当时我正处于一个唔系好开心嘅状态，但佢往往畀到我一个好安全嘅感觉，令我觉得‘冇乜嘢嘅’、‘唔驶咁惊’，咁样我先至冇畀风吹走。（老公平时会否讲甜言密语氹妳？）唔系好多，但我其实唔钟意同好怕，因此系ok嘅，所以我先话我哋适合。”
二人由相识、相知、相爱到相许，拍拖仅1年多，泥鯭便向心颖求婚，心颖称当刻没有犹豫，但是有惊讶的，“我系冇谂过会咁快就求婚，但又觉得ok，因为相处落嚟系睇到大家一齐嘅将来，我会觉得可以啰。”
由于过往的事件，心颖坦言去见老公家长时，心里的确有担心：“我预期系点都会有少少戴有色眼镜去睇我，但真系完全冇嘅时候，我真系觉得点解会有咁好嘅屋企人，所以我喺婚礼上都有多谢佢哋冇喺其他角度睇我。”
练成强大心脏 对负评免疫
不过，今次为新歌宣传，外界难免“旧事”重提。黄心颖直言心态上其实已调节了好几年，内心要训练到自己很强大，现时是准备好了才出来受访，“我今年订下畀自己嘅目标就系‘我要出嚟面对了’，我会知道一定有啲好难答嘅问题，或者人哋会讲啲乜嘢，但我会识得去处理，亦唔怕答一啲问题，我已经唔系太介意人哋点讲，每样嘢都系一个修炼嚟，而家嘅我可以保持到内心嘅平静去面对一切，有呢个实习系几好。”
对于负评是否亦练到免疫？心颖表示都是，而且人生中有太多事情要去处理了，有些事情既然控制不到，当你不把它看作一回事时，就可以专注做自己要做的事情。心颖又直言未有试过出街被指骂：“真系无试过，所以我成日都想劝喻一啲人，如果你系成日喺网上畀人闹，你出街就会发觉人仲系好美好，因为我遇到大部分人都系会同我讲加油，亦因此令我再信任返人，开始多啲出街。”
低潮期每日以泪洗面 曾极端想过做“傻事”
回想人生最低潮的时间，心颖坦言基本上有一年多时间是以泪洗面，最初她选择出走美国避世，由于当时情绪不稳定，所以有位朋友特意在当地陪伴了她大半个月，以防她想不开做“傻事”，但这只“魔鬼”久不久就会在脑海里出现，不过心颖直言只要想到“我咁样做，屋企人会好伤心”，她就会打消不好念头，“当时我冇去睇医生，但我深信𠮶啲都系一些情绪问题，而我冇去睇医生嘅原因系唔知点同对方讲我点解会咁。”
而原本打算在当地学演技打发时间，却意外成为她宣泄情绪的重要渠道，心颖说：“好彩有呢个途径，如果每日都坐喺屋企，我谂我而家一定唔系坐喺度。记得当时我喺演戏嘅时候，成日无端端喊，啲同学仲以为我咁好戏嘅，但原来我系从中抒发咗一啲喺心底里嘅情感，再到之后去学写歌，籍此抒发感受。”
认跌得好“甘” 但没有不甘心
虽然在最艰难的那段时间里没有工作，但心颖觉得自己在这4年的成长和所行的路，远多于之前，“其实我好感恩（安心事件）之后遇到嘅所有嘢，我记得我选美时讲过希望自己活得精彩，其实系好精彩㗎，尽管系唔好嘅嘢，其实都好精彩，所以呢四年我觉得都几美好㗎，系好珍贵嘅一堂。”
谈到由当初被获无线力捧，到一夜间一无所有，可有一些不甘心？心颖表示又不是不甘心，但有一刻问过自己“妳做乜嘢呀？”，“但系冇得唔甘心，妳做错事，就要承受呢个后果。但我后嚟谂返，如果呢件事唔发生嘅话，我就唔会做而家做紧嘅嘢，唔会觉得自己仲有potential去做其他嘢，例如写歌，我一直就只会系𠮶个黄心颖。所以而家能开辟另一条路，系几开心。”
虽然没有不甘心，但心颖坦言这个教训的确好“甘”，“系好甘！但我觉得人生所有嘢发生一定有佢嘅原因，我成日同自己讲：‘We can do hard things’，系好难，但我一定做到嘅，咁样去挨过。我而家会以一个好奇心继续活落去，寻找自己其他嘅可能性，唔会再好似以前咁不断追求、不断做。同埋提醒住自己无论咩时候，都系有选择的。”
“唔会100%好”
事件发生至今已四年，各人都回到自己的生活。问心颖是否都已把“往事”放下？她觉得：“唔会100%好，但系而家识得去控制得好啲，唔好被呢啲事情和情绪驾驭自己。”心颖又言若不是这件事，她不会看到那么多事情，“以前嘅世界好开心、好花花世界，但我而家睇到晒唔好嘅，我亦感受到一个人情绪去到咁低系点样。”
心颖更愈讲愈激动，眼眨泪光说：“庆幸遇到好多好嘅人去帮忙，唔需要系认识嘅，一个唔识嘅人同妳讲声加油，呢啲打气说话累积落嚟，其实对我都好重要。而且我遇到我只狗啦、遇到我老公啦，我还揾到一样嘢好想去学，所以无论好与坏嘅经历，对我嚟讲都好大得著。”
被指欠郑秀文一个道歉：做咗嘅嘢唔一定要公告天下。
问到事件发生后，会否避开其他“几位”的东西不看？心颖称因为大家有共同朋友，所以都会看到，也不会刻意避忌：“正如新歌，缘起缘落，个缘份已经过咗去，希望佢哋都有好好嘅生活，但亦因为佢哋唔喺我生命里，我觉得无必要咁留意。（但娱乐圈是圆的，有冇谂过有日会再见到‘佢哋’？我觉得实有呢个可能性，我唔会惊亦唔会避忌。”
而谈到网民一直觉得她欠郑秀文一个道歉，心颖表示：“其实做咗嘅嘢，唔一定要公告天下。我唔使一定要post出嚟话我已经做咗呢样嘢，呢个系我嘅答案。我而家系活得开心、自在和自由。”
曾恐惧见到“黄心颖” 认卖楼套现
另外，对于她离港期间传言满天飞，心颖表示当时很多新闻都不是真的，最记得去到某个阶段，她是要把很多新闻Apps删除，“因为我𠮶时见到‘黄心颖’三个字系好惊，我系完全有一种恐惧嘅反应，所以我先开始写嘢，因为我觉得写嘢可以控制返自己。”
至于盛传她当时经济出现问题要卖楼套现？心颖承认的确有卖楼套现，但并非报道写的时间，“呢几年坦白讲系无收入，但啱啱同旧公司完约嘅时候都收返一笔钱，系之前赚落嘅，我又卖咗我层楼，所以都好彩仲可以过活，继续出歌。当时啲人话出歌好难，但我觉得选美仲难。”
化妆：Herman Ng
发型：Steve Shek
场地：whiteday.life