KB、东方升曾受邀玩虚拟货币　“完全唔识投资，避过一劫”

东方升与KB出席《薯茄明星运动会》，二人接受访问时笑言将年龄层提升，又谓本身志在参与，但见其他人全套运动装上阵，才惊觉大家都十分认真 。KB平时多玩水上活动，问他转玩短跑、跳远等项目会否感到不惯，他说：“都惯嘅，最紧要系气氛好，同啲后生一齐自己都年轻晒。好开心小薯茄邀请我哋上咗年纪嘅一齐玩。”东方升早上跑100米时不慎拉伤，他表示无大碍。“之后帮大家打气，佢哋都好敬老，好照顾我哋，所以俾返啲机会年轻人。”

提到近日成为热议嘅虚拟货币，KB透露去年曾受邀参加投资：“不过我完全唔识，所以避过一劫，我都系打鼓、拍节目娱乐大家，投资完全唔识，都唔知好彩定唔好彩。”东方升亦曾获邀，但由于不感兴趣，故亦避过一劫，二人又笑言身边的朋友都较毒，所以未有资格玩投资。