宠爱Pet Pet｜冬甩出街有粉丝靠屁股认出 主人招浩明：佢好花心
无线（TVB）剧集《宠爱Pet Pet》除了周嘉洛、林夏薇、姜大卫、黄子恒、古佩玲和徐荣等人好戏之外，另一主角金毛寻回犬“冬甩”当然也不可多得，表情多多之余动作都做到足，同样也是剧集功臣。
有粉丝靠屁股认得冬甩
剧集播出后，原来“冬甩”也跟着大受欢迎，外出还被不少粉丝求合照。冬甩的主人招浩明接受《香港01》访问说：“都几受欢迎，好开心竟然带Romeo（冬甩）出街有唔同观众认得佢，有啲人认得佢脷上面嘅胎记，仲有个观众认得佢屁股，哈哈哈。通常佢哋会问系唔系冬甩，想同佢影相。”
明星狗冬甩小知识
明星狗“冬甩”原名叫Romeo，于2019年12月22日出生。冬甩主人表示，拍摄时大概两岁半，现在已经三岁几。他也说：“Romeo平时响屋企系一个百厌嘅大细路，但系一出街就十分之乖，好黐人同埋好钟意玩球类运动，当然唔少得十分为食。”
冬甩感情生活一片空白
冬甩的主人招浩明和招浩明未婚妻Sophia透露冬甩的感情生活：“Romeo暂时仲系单身，之前曾经都试过揾佢嘅Juliet，但可惜仲未揾到，可能系因为佢太花心嘅问题，因为佢成日都揾唔同嘅狗女玩。佢都唔介意揾人类女朋友，所以欢迎各位单身女士约会。”
冬甩主人系招浩明
招浩明也表示，其实“冬甩”在《宠爱Pet Pet》之前亦参演过客串过《爱.回家之开心速递》第1558集和《神奇的灯泡》第1集。当《宠爱Pet Pet》招募狗仔上镜时，就有公司同事推荐他带Romeo去试镜。他说：“当时casting，监制、导演、编剧，仲有部分演员都响度，大家对Romeo 好似一见钟情，而且导演们特别钟意Romeo 表情多多，跟住就顺理成章完成了。”自始Romeo就多了“冬甩”这一个身份。
冬甩（Romeo）一啲都唔傻
剧集中“冬甩”傻更更的模样深得欢心，但现实中的冬甩（Romeo）其实一点也不傻。招浩明说：“训练冬甩并唔算十分难，但系需要花大量时间每日练习。基本指令sit， down，come，heel，stay 一定要做得好，咁复杂啲嘅动作就会容易啲掌握。通常复杂小小嘅行位或者动作睇完剧本后我哋都会谂定唔同嘅方案方便现场对策，有时会需要现场唔同工作人员都会一起帮手。当中‘Bang！’（扮死）就会多一啲步骤，因为需要拆开两至三个唔同嘅动作分开来练，然后串连一齐，所以每一个动作都要很扎实。”
冬甩聪明到识“自到”
招浩明也分享了一次“冬甩”自己返工的经验。他说：“最难忘的一次，系拍摄的后期，因为开心速递的拍摄撞了期，咁啱屋企人又有事帮唔到手。唯有要Romeo自己返工。仲记得𠮶日系开外景，公司安排了专车来屋企接Romeo到拍摄现场，最初我都好犹豫到底佢可唔可以自己坐车，所以一直同司机沟通住，点知原来司机话Romeo好乖好定，一直坐喺后座睇风景，我听到就放心哂啦。大家都讲笑话Romeo以后收到通告可以自到啦！”