陈自瑶入行18年终获〈最佳女主角〉提名：我之前都唔系主角
撰文： 吴子生
出版：更新：
陈自瑶（Yoyo)今日（16/12）现身铜锣湾为无线贺年节目《新春开运王》进行拍摄工作。Yoyo在台庆颁奖礼凭《回归光影颁：母亲的乒乓球》获提名“最佳女主角”，虽然未能顺利入围10强，但她依然感到欣慰：“其实今年我以为一个提名都冇，系因为今年我冇乜剧集出，而我之前拍咗两套剧，有一套《有种好男人》会系今个月26号出街，而另一套《婚后事》相信会系喺下年先播。”
Yoyo续说：“其实今次系我首次获提名‘最佳女主角’，我系相当之兴奋，所以我连𠮶份单张都留起咗，对我嚟讲始终系我第一年获提名，相对系好有记念价值。因为我之前都唔系做女主角嘛。（嚟近啲剧有冇女主角做㗎！）哈哈，我希望啦！不过今次有提名我已经好开心，始终我呢套系单元剧，根本好难同人去争，因为人哋啲剧系起码二十集，咁所以我连拉票都冇去拉，我系预咗冇，唯一好感恩系第一年获提名呢个奖项。”
问到夺得视后是否其人生目标之一，陈自瑶表示都想有一天得到肯定，她说:“拍剧都咁多年，当然都希望有咁嘅一日，想有个目标俾自己继续去，(目标距离有几远?)我本身个人系自悲底，我成日觉得自己唔够好，我做每一样嘢都好畀心机，每一次都做好啲，所以我每一次都冇谂结果去做。”