邓丽欣重提恋事称“拣错人” 方力申不信是真心：当时我系男主角
撰文： 吴子生
出版：更新：
方力申（小方）今日（31/5）现身旺角出席艺术展览揭幕礼。提到旧爱邓丽欣（Stephy）日前在张敬轩演唱会做嘉宾时，被轩仔摆上台重提昔日与小方的恋情，邓丽欣笑指当时“拣错人”。
小方笑言：“咁啱呢个新闻一出呢，第二日我同Stephy连同其他朋友一齐为一名圈外人庆祝生日，而本身我就冇谂过攞出嚟讲嘅，但最终我忍唔住都同佢讲咗一句，话我都睇到你喺台上讲嘅嘢，话拣错阿力。然之后佢就笑一笑话：‘冇嘢嘅，你都明㗎啦！’跟住成班人都系度笑。其实咁多年嚟我同佢EQ都好高，由得大家讲继续笑。（会否觉得对方说拣错人是真心话？）我⋯⋯我梗系唔觉得佢系真心啦！系咪先。鬼叫我当时系男主角咩，佢唔拣我，佢可以拣边个呀！”