郑欣宜坚拒为男友而减肥　自爆多人追：应付唔嚟啊！

艺人郑欣宜（Joyce）早前被踢爆与花店老板Derek蜜运中，之后她又夺得“CHILL CLUB 年度女歌手”金奖，开心事一单接一单。现在正为下月的演唱会努力准备中的Joyce，日前亦上电台节目《口水多过浪花》做嘉宾，接受郑裕玲（Do姐）的访问，平日对感情事低调处理的Joyce，在Do姐的“质问”下，又会怎样回应呢？

Joyce以生酮饮食法减肥已经断断续续有两年，主要是减淀粉质和减糖。Joyce指因为妈妈沈殿霞（肥姐）有糖尿病，“我哋其实全家人沈家人都有糖尿病，我今年35岁，我好惊自己都会有呢个问题，暂时啲数字非常之靓。”另一个减肥的原因是Joyce想着靓衫，虽然肥也可以着，但她坦言︰“但系揾唔到size啊嘛，我真系揾唔到一件可以着得落我身体上面嘅衫啊嘛！咁我觉得自己真系有机会上台表演嘅时候，梗系想扮到只雀咁啦，好靓咁样去见大家。”她续说︰“进行咗生酮食法之后，瘦咗3个clothing size啊！几多磅我真系唔知，我好少上磅，因为我唔系为咗要减磅。我条腰瘦咗成6吋几7吋。”

Joyce出道以来身形试过肥又试过瘦，她直认在身形体重方面内心一直也有挣扎，“到而家都要面对嘅，我觉得呢个系牵涉到我自己对我自己嘅body image，其实我近呢几年系克服咗好多。”虽然曾经好瘦，但Joyce直认现在的身形状态是令她感到最自在的，“𠮶阵时去达到呢个咁瘦嘅程度，可能我系用咗啲唔系咁健康嘅方法去达到𠮶个目标，所以我觉得而家望落个感觉总之舒服过𠮶阵。”生酮饮食未必可以长远地进行，而Joyce亦计划在演唱会之后找营养师帮手，饮食上会试行低淀粉质的饮食方式，但她强调无论是哪个方法都好，“唔好乱学，因为每一个人嘅身体都唔一样，同埋最紧要系用健康嘅方法。”而她不止在饮食上着手，配合一个星期做足5日的运动才有现在的成果。

有网民会质疑Joyce因为男友而减肥，Do姐亦直接表示外界有这个说法，Do姐又笑她是否有好多花收，因为Derek是开花店，Joyce笑言︰“好肤浅啊！渣！低阶！郑欣宜系唔会为咗男人去减肥㗎！如果为咗要得到一段爱情，要减先得到嘅话，咁𠮶个男人唔值得拥有我嘅爱！同埋，低阶！渣！大家讲到好似得一个男人追我咁样！哈哈！（Do姐︰好多？应付唔嚟咁多啊？）应付唔嚟啊！屋企多到冇位摆啊啲礼物多到，净系得花㗎咩？渣！”

后来Joyce在访问中自言其实在对答入面有耍走Do姐，有时答完“等于冇答过”，因为她想保留自己少少私隐。讲起聪明，Do姐大赞肥姐是绝顶聪明，Joyce明言妈妈没有真的跟她谈谈入行要注意的事，但Joyce觉得妈妈有的是身教。而Joyce又大爆肥姐的一件窝心却令她尴尬的事，她说︰“佢在生嘅时候佢会成日show off我录嘅歌啊……（Do姐︰佢成日喺我哋面前都有㗎啦。）I know. I’m so sorry. 其实𠮶阵时我有时会觉得好尴尬，因为我𠮶阵时放学返屋企，见到妈咪有啲朋友坐喺厅度，佢就播紧啲录影带，系我喺度唱歌跳舞。（有冇叫你埋嚟唱一首？）有啊！好尴啊！！但系你系睇得出，作为一个母亲，佢系非常之骄傲。但系佢其实冇乜点样真系坐低教我入行要点，但系佢有身教。”

当年Joyce以“星二代”之名入行，背负着不少人的期望，外界对她似乎亦特别严苛。Joyce觉得以前做新人时的确要乖，Do姐表示外界对她尤其苛刻，她回应︰“OK啦，少少嘅，样样嘢都系睇你点睇啫，当年大家可能对我harsh啲，起码大家认得我，但系可能同我同期嘅新人，大家对佢哋冇咁harsh，但要花多啲时间先至可以认识到佢哋。”由负评到成为2021年度的“叱咤乐坛我最喜爱的女歌手”，Joyce当然也感受到当中的转变，现在她更成为各品牌的宠儿，她直言︰“冇谂过，其实系旧年先开始，我仍然系我，我觉得系而家成个气候唔同咗，同埋咁啱而家兴与别不同啊嘛，咁我咪就系不同啰！”她又说︰“但系有时我都好难以置信，因为唔单止系品牌钟意我，佢哋揾得我去帮佢哋做嘢，但要我去代表佢哋嘅嘢㖞！”的确Joyce现在真的有好多广告拍啊！

点选下图睇吓Joyce嘅靓相︰