张学友爆唔敢收徒弟惊教错人︰我而家都推翻晒以前唱歌上面讲嘅嘢

歌神张学友早前有份为2022北京冬奥会献唱主题曲《一起向未来》及拍摄音乐短片，令歌迷大感惊喜。日前他接受点新闻《香港机遇》嘉宾主持周振基教授的访问，罕有地谈及家庭生活，和跟太太、两个女儿的相处点滴，笑言自己“喺屋企永远都系喺最后一个位”。而讲到在乐坛提携后辈的部分，虽然学友不时会跟后辈歌手聊天分享歌唱心得，但他却从没有收过徒弟，竟坦言自己是不敢收徒弟。

学友于1986年演出电影《痴心的我》，与片中的女主角罗美薇相识并恋爱，有指二人曾分手过几年，但他们最终也修成正果，在1996年于英国伦敦注册结婚。他们有两个女儿，大女张瑶华于2000年出生，细女张瑶萱于2005年出生。一直以来，学友对女儿都相当保护，学友甚少公开她们的样子，直到大女长大后，才开始在社交平台贴出生活照片。而学友的太太罗美薇本来也是艺人，但婚后她选择做学友背后的女人，淡出娱乐圈，以照顾家庭为主，也鲜有露面。讲到在家里的地位，学友笑说︰“我喺屋企永远都系喺最后一个位。”他笑指家里养的一只乌龟，地位也比他高，他要负责抺粪、喂牠食物和洗笼等等。家里计埋太太、两个女、学友的妈妈，还有一只狗和一只乌龟，他直言可能排第6、7位也不如，非常搞笑。

讲到管教女儿方面，学友出名宠爱她们，自言一定不是严父，“我绝对唔严！我系佛系管理。”被问到他是如何跟女儿沟通的，他就说︰“我主要系畀意见，接唔接受系佢哋自己。我自己都有自己嘅睇法嘅，衣着又好，谈吐又好，佢哋对将来嘅睇法都好啦，但系我都唔会强迫佢哋嘅。”当主持问他，女儿会否给他意见，他大呼︰“佢哋又唔会畀意见我，费事睬我！点会畀意见我啫？”他补充道︰“其实佢无论发展到点样，都希望喺佢哋身边支持佢哋，只可以一路提醒佢哋，话‘小心啊，或者会有啲咩问题㗎’，但系如果佢哋都系坚持，咁𠮶个结果要佢哋自己去承受。”

在外面是高高在上的歌神，但在家里学友其实是住家男人一名，常常做家务，不过就较少煮饭，“煮饭就最少嘅！其他煮饭之外，乜都……因为我太太好钟意煮嘢嘅，佢就抢咗去煮饭，咁我冇得做啊。”他还卖口乖说太太煮什么“都叻！”、“咩都好食！”他自己就不太会煮饭，但也会炒饭、翻热食物，或者煮个面给女儿食，主持问他女儿有没有赞他煮饭好食，他即说︰“梗系话我煮得好啦！我系佢哋嘅朋友嚟！唔通佢会咁对啲朋友咩系咪先？”可见学友和女儿们的关系似是朋友一样，没有父亲的架子。

学友平时最大的娱乐是唱歌，他也打得一手好网球。不过他唱歌多年，原来没有正式收过任何徒弟，他直言︰“我唔系唔收，我系唔敢！我唔敢啊！我惊自己教错人，事实嚟嘅。”他解释道︰“我同好多曾经……有啲后辈歌手，都有同我倾偈，问我点样唱，我话咁样唱，我当时真系觉得系咁样唱，我话咗畀佢听，过咗几年，我自己都觉得咁样唱系唔啱，因为我哋冇学过，我哋只系用自己𠮶个经验，因为你个经验会随住累积落去系会改变，你对𠮶样嘢嘅认知系会改变，尤其是我哋呢啲系技术性嘅嘢，佢会慢慢改变嘅。”他又谦虚的说︰“所以冇乜边个系师傅，边个系叻啲嘅，我自己觉得。我而家都推翻晒我以前讲嘅嘢㗎，喺唱歌上面。”

同场加映︰TVB号召最强阵容唱北京冬奥主题曲　成龙张学友等60位红星齐献声

点击下图观看参与艺人：