张达明忆抗癌难以进食急跌28磅：每次食嘢都要食止痛药

现年57岁的张达明于2011年不幸确诊鼻咽癌，经过长达7年的抗癌期，他近年病情稳定复出并于今日（7日）出席讲座分享抗癌经过。张达明于讲座中提到早年的生活习惯非常差：“好忙碌，每晚瞓得两、三个钟，有食烟饮酒。饮食方面又乱嚟，搬出嚟住有时就咁食个包。”直到2011年经常流鼻血而且情况没有改善，他才去求医惊觉患上鼻咽癌。

达明接受《香港01》访问时重提抗癌路上的心情，虽然辛苦不过幸得朋友鼓励：“每一个有大病嘅人都好辛苦，知道𠮶时系吓亲，等于一个大意外。呢个系生命嘅病，唔系净系钱嘅问题，好多嘢未做，点处理。好彩有朋友、屋企人鼓励，有发哥鼓励，叫行山即刻去，佢系我超级偶像，即刻成个人唔同咗。”

电疗更令达明由128磅跌至100磅，亦出现颈部变黑以及喉咙痛等副作用：“条颈黑晒，食唔到嘢喉咙好痛，每一次食嘢都要食粒止痛药。化疗后瘦晒、甩晒头发，神经线受损，不过大家唔使太担心，我唔系正常人先有呢啲副作用，早啲去治疗就会冇事。”他续指现时身体状况良好，磅数亦有回升：“未好晒，但已经唔错，靓仔返。肥返但未够，差7磅，返返去128磅。要再强壮啲，但我中气几好，瞓得几好、眼神唔错。”