金燕玲子宫癌未痊愈 上月再确诊患乳癌哽咽：唔系难受但真系好惊
金燕玲曾在2019年时自揭发现患子宫癌，要接受手术切除淋巴、子宫、卵巢及盲肠，并要接受六次化疗及四次电疗，抗癌路十分艰难，但幸有密友苏施黄陪同打仗，去年4完终于完成所有疗程，康复进度理想。不过，金燕玲日前在其个人YouTube频道表示在农历年前发现自己又患癌症，相隔两年再度确诊患上癌症，即使如何乐观地抗癌，心情一定会有影响，在短短8分钟嘅影片当中，金燕玲多次哽咽。
金燕玲表示在做拉筋时，摸到自己左胸有一粒东西，考虑一晚之后决定找医生商讨。“检查完之后，要挨到年初五先证实自己有cancer。”金燕玲表示与其大众可能由别人口中得知此事，倒不如由自己亲口讲，“之前我𠮶个cancer就呼吁大家要做身体检查同一定要买保险，但系今次唔系透过检查发现，而系自己摸到，所以对我嚟讲，唔知系上天喺度保祐我，无端端畀我自己摸到呢一粒嘢而发现”。金燕玲表示已经完成开刀手术，并谓自己尚算幸运。“割咗呢粒嘢之后，我唔需要切除个胸，但电疗一定要做，呢个喺未开刀之前已经知道。”
心情方面，金燕玲表示并不难受，但难免惊慌。“因为原来胸对女人嚟讲系几紧要，我见医生时佢系乐观嘅，话粒嘢唔系太大，但佢都有解释万一超过一条线就会跑去其他地方……结果我系切除咗𠮶粒嘢同两粒淋巴，而家系冇扩散，我只系入医院两晚，开完刀第二日就可以出院，好多朋友都好担心。我真系呼吁大家，当你得闲无事真系要摸下去检查，我平日唔会刻意去摸，因为我都唔知点check，但𠮶日个胸又好胀，所以系好明显。”
金燕玲在影片中强调保险十分重要，因为生病时最担心系经济状况，如果有保险的话，完全唔使担心住边间医院或揾边一位医生。“我唔想人哋担心我，又唔想成为他人的负担。可能有啲人会觉得，哎吔，金燕玲有冇搞错呀，又生cancer，系呀，乜嘢都要打孖嚟，流感嘅时候有两个流感；两年后又有第二个cancer，但系我觉得自己系一个好幸福同好幸运嘅人，两个cancer都系不幸中嘅大幸，所以如果有嘢可以帮大家，我真系希望分享啲资讯比大家。”
影片上载后，苏施黄在fb上载二人合照，并表示：“金小姐叫我代感谢大家，佢真系好犀利的，做完手术第二日已出院，第三天已出街，佢话唔好当自己有病匿埋喺屋企㖞。我做司机苏，驾车也小心翼翼，费事揼亲佢，这幅相是手术后拍摄的。”
点击睇金燕玲分享抗癌经过
点击睇金燕玲康复之路