波多野结衣面瘫无法眨左眼　李璨琛亦曾中招：食面饮汤会漏出来

曾在港产片《栋笃特工》亮相嘅日本女优波多野结衣人气一直高企，最近佢喺Twitter自爆面瘫，将所有所有工作暂停，令粉丝们表示相当担心。波多野结衣于Twitter表示自己面部不适，诊断疑似“颜面神经麻痺”，目前舌头有麻痹感觉，佢话依家只有右边面郁到，左眼无法紧闭，令对眼好干不停流眼泪，而左边鼻孔亦无法控制鼻水流出。波多野结衣话自己，正接受类固醇治疗，亦因此导致免疫力变低要留家休养。

原来中外有不少明星都曾经患上面瘫，包括安祖莲娜祖莉、官恩娜、李璨琛、张达伦、蔡康永等。李璨琛曾经喺接受《香港01》访问时话：“04年喺电视台做紧欧洲国家杯主持时，突然间个嘴合不上，系食面饮汤会漏出来𠮶种。照镜发觉左边脸全部唔识郁，到医院检查后，证实患上贝尔氏麻痺症，是滤性病毒入侵中枢神经，从而影响控制面部那条神经线。”

患病不紧要，最紧要是会否康复。“医生说有人会完全康复，有人好得两成，好彩的会有7成。心想︰‘不是吧！下半世就是这样面歪？岂不是玩完？’”由于签了合约，工作还得继续，左边面面瘫期间，仍奋力去讲波。“真的好辛苦，发音都发不到，简单的眨眼动作又做不来，睡觉要用手盖住。”

而张达伦入行初期亦曾患上面瘫：“我记得喺有日突然瞓醒，块面痺痺哋、怪怪哋，然后隔咗两日块面冇咗力，即刻去睇西医，佢话我三叉神经入咗细菌感染，真系唔知咩原因。试过非常痛，块面好似被火烧咁样，好彩𠮶阵啱啱入行，做嘅多数企喺后面，痛到要即剧返屋企瞓喺度，好辛苦，痛到唔识形容，左边块面冇咗力，所以系咁流口水，有时饮水，块面Hold唔到力，一边饮就一边喺左边漏，驶咗几多钱都计唔到，因为又睇西医、中医、针灸，𠮶阵西医就食类固醇，但就搅到成个人好肥、好肿，后尾揾咗万全堂嘅钱太帮我针灸，就医好咗，其实而家一有少少事我都揾佢，佢好帮我，佢叫我块面唔好吹风，冷气又唔好对住，同埋而家我都有少少大细眼，都有影响㗎，希望愈来愈好啦，因为会限制咗我做戏嘅表情。”