吕爵安Edan亲邀林家熙出演《E先生》MV Locker揭天台离别戏真相
谈起近来最炙手可热的本地演员，就不得不提林家熙（Locker），他是当红YouTube频道《试当真》的骨干成员，凭搞笑形象一跃而上人气急升，亦应验了主脑苏致豪在短片《Channel需要女删剪片段》其中一句：“Locker周围都系！”除了在《试当真》形象深入民心，近日Locker还接拍了MIRROR成员Edan（吕爵安）首只单曲《E先生连环不幸事件》的MV，MV上架9天已累积逾69万观看，在YouTube更占据热播影片冠军位置居高不下，三位主演的深情演绎获观众激赞，而Locker作为演员默默耕耘多年亦终被看见，他表示这绝对是自己的一个代表作，亦在访问时分享了拍摄时的一些细节。
点击图辑睇Locker型格相！
Locker表示与Edan在拍摄电视剧《男排女将》时结缘，由于二人个性相近而十分投契；在拍摄MV前两天夜晚Edan亲自致电邀请：“我嚟紧拍MV想揾你演！”Locker二话不说就答应了：“第二日见导演试咗少少戏，想睇我哋三个人企埋一齐个Vibe啱唔啱，之后第日就拍！”一切虽然仓促，但丝毫不减用心。
在得悉这个我爱他，他爱她，她爱我，这个无论如何都无法修成正果的悲伤三角爱情故事后，Locker透露了不为人知的小细节：“拍摄当日虽然冇好刻意，但我留意多咗Edan嘅一举一动，化妆到拍完晒我都有望下佢，我就反而少理Mandy（谭旻萱）。”MV里埋藏了不少感情线索让观众细心去发掘，而Locker亦在过程中自己加了戏：“喺化学室食饭，我担櫈畀佢但佢唔坐，我就有少少落寞；或者有啲位玩紧嘅时候，导演都想我哋刻意望住边个。”
点撃图辑逐格睇《E先生连环不幸事件》MV：
说起整个MV中最深刻的一场戏，Mandy与Locker均先后表示是天台那场离别悄然降临的戏份，Locker又仔细地坦露了一些心路历程：“我哋由朝拍到晚，去到下昼已经拍咗好多嘢、走咗好多景，一齐玩得好开心，好似真系经历咗啲嘢；但导演同我哋讲今次系我哋最后一次见面，夜晚喺天台场戏一播歌就已经好有感觉！”不舍之情立刻涌上心头：“啱啱先有呢啲友谊，但一日之内就冇晒，我望一望佢哋已经好想喊，即刻拧转面望天。”谁知道导演随后说先拍毕业快乐的片段，Locker就立刻按捺著内心悲伤的情绪：“入面好似有个魔鬼好想跳出嚟！”
Locker续言在那个氛围下，很多事都自然而然发生：“本身我冇谂过自己会喊成点，纯粹见到Mandy好惨。”他内心禁不住喊话：“你千祈唔好讲，你讲我哋就冇㗎喇，好地地三个人大家毕业咪算，你一开口呢段关系就完！”至于被Edan淋啤酒的近镜总共拍了三个Take，Locker说：“呢个动作好残忍！于是我就话：‘唔钟意就唔钟意㗎啦，你都唔钟意我啦，你有咩资格讲？’”
点击图辑睇天台难忘的那场戏＋演技有几好：
而他们的一举一动亦牵动着彼此的情绪：“Edan走咗我坐咗落地下系咁喊收唔到声，Mandy喺镜头后望住我，明明唔系拍紧佢都喊到成只猪咁，我望到佢咁就好痛！大佬，你唔好喊啦，佢见到我喊佢又喊，我见到佢喊我又喊。”在拍摄Mandy的戏份时，留下帮忙培养情绪，谁知道这个令人心痛不已的场面又上演了一次：“唔知咩事呢三个人喺天台喊唔停，拍完收工影大合照我哋三个就揽住喺度喊！”连导演Maggie也禁不住拍下这个画面，并在IG写道：“呢场天台戏系演员能量嘅互动，现场睇住佢地将能量转换同埋咁投入，我都觉得感动。演员咁真诚对待一场戏嘅时候，导演都会觉得拍呢场戏好好玩。”
同场加映：20岁谭旻萱凭Edan吕爵安MV爆红 港版朴敏英纯靠靓样劲吸过万粉丝