吴岱融入围“男配角”鹫哥上身︰我唔系想同你One night Stand
撰文： 郭敏玲
出版：更新：
人称鹫哥的吴岱融，奸角表现深入民心，回响直到今日的台庆颁奖礼提名记者会都无停过！他凭着《巨轮2》所饰演的高天鹫入围“最佳男配角”一奖，上到台上讲感言时，吴岱融随即鹫哥上身，走到台前，向着眼前的奖座说：“我唔系想同你One night Stand，系想同你Fall in Love呀！”场面非常搞笑！
不过，吴岱融事后对于入围男配角一奖表示惊喜，“我知道呢套剧一出街，我嘅角色有好大回响，但都无谂过会有提名。（你喺台上话想同𠮶奖fall in love㖞！系真心话想攞奖？）都系搞下笑啫，我之前都拍到好投入！攞到奖就当然好！攞唔到对自己都开心。”
变成鹫哥，吴岱融就话现时观众比以前的观众客气得多：“观众而家见到我，都会赞我做得好，唔会话我做得好衰，以前观众见到我做衰人，见到我会行埋嚟扑我㗎！”问到有无睇好边个？吴岱融就话个个都好，接着未来大半年都会忙拍电影同网剧，自己都想抖一抖，“始终年纪有返咁上下，唔想去到咁尽。”