香港小姐2020︱宝贝女夺冠圆梦 谢嘉怡爸爸劲开心：我教佢做自己
《2020香港小姐竞选决赛》尘埃落定，最终由8号佳丽、苏格兰加香港混血儿谢嘉怡（Lisa）大热夺冠，亚军为2号陈桢怡（Celina），季军则为4号郭柏妍（Rosita）。Lisa性格坦率，在最后拉票环节时，她大爆自己是半推半就参选，“未识行时，爸爸已经想我参加香港小姐，因为自己唔系好女仔，爸爸想我参加所以我嚟咗。”引来全场爆笑，与其他佳丽讲到落泪的表现作出鲜明对比。
决赛举行期间，Lisa的爸爸和姑姐亦有现身撑场，前者更是专程回港支持宝贝女。他接受《香港01》访问时坦言，对女儿荣获冠军感到非常开心。问到是否如Lisa所言，他在女儿未识行就希望她参选香港小姐，他笑言：“因为我92年已经过去英国，但系我喺香港（长）大，过到去之后生咗个女，想佢学返啲香港文化，所以想佢返嚟香港，睇下有咩新发展。（佢几时返嚟香港？）佢每年都返嚟一次，新年返嚟探下嫲嫲，返嚟探下我家姐，喺中国𠮶度。”
问女儿夺冠，会否希望她继续在演艺圈发展，他认为要由女儿决定：“𠮶啲嘢都要佢自己钟意啦！但系依家呢段时间佢都好enjoy（享受）呢个experience（经验）。因为佢年青人都好好奇呢个新嘅社会呀嘛！佢都好想喺度发展......因为佢都讲过好开心呢段时间。（你有冇讲啲咩鼓励阿女？）（我）教佢做自己！Be real, be true. To Love people. Just the way she has to. （保持真实的自己，去爱人，做原本的自己）佢嘅personality（性格）系咁样㗎嘛！（妈妈有支持佢？）有！（做咗咩支持佢？）（妈妈）通常同细路仔（Lisa）沟通多啲啦！细路仔一定要沟通啦！（佢）细个冇experience㗎嘛！（妈妈有）揾个新嘅方向、新嘅道路畀佢。”
最后谈及有网友看见Lisa和他的合照后，大赞他十分型仔，他害羞笑指：“（我都）keep住keep住啦！”
而与Lisa关系亲密的姑姐得知姪女夺冠后亦满脸笑容，更开住镜头与身在外国的亲友直播Lisa获奖一刻。
Lisa样貌标致，不少网民都称她为近年最美港姐。Lisa由参选至今趣事连连，主持宣布她夺冠后要求她绕场一周，她以为可以直接离开而差点走出大门，幸得主持郑裕玲（Dodo姐）叫住才停下，事后许多嘉宾都称赞她十分可爱。
点击下图观看三甲获奖一刻：
点击下图观看Lisa靓相：
仲有十强佳丽泳装环节高清相：