李思雅被指硬抢朋友未婚夫 承认与男方半年前拍拖：有人恐吓我！
撰文： 陈栢宇
出版：更新：
前港姐李思雅（Cindy）入行多年，感情生活一直平淡，只有曾被爆与年长23岁的林韦辰发展“父女恋”，但两人始终未能开花结果，最后分手收场。不过，最近却有报道指Cindy做第三者抢朋友未婚夫，更拍到他们当众拖手行街，该报道又指那名男士姓黄，家住西贡，是IT公司老板。李思雅接受《香港01》访问时承认与黄姓男士拍拖，直言清者自清，更斥有人讲大话：“我完全系被屈！我而家男朋友系同佢前女友分手咗大半年之后，佢再追咗我几个月，我哋先至一齐，咁又点会同时间佢同男朋友一齐，我又抢走佢男朋友？”
点击下图观看李思雅IG相片：
+11
李思雅又力证两段感情的时间线完全没有重叠：“因为佢好想同我男朋友一齐，我男朋友又唔想同佢一齐，佢又知道我哋一齐紧，咁佢就好嬲，整啲嘢嚟屈我，佢哋两个分手，完全唔关我事，同埋根本我男朋友同佢冇去到未婚夫、未婚妻关系！”更称女方不断骚扰她和男友：“佢有我WeChat，不断用粗口闹我，有恐吓成份，所以我Block咗佢，而我只系同过佢讲‘你两个嘅嘢，你哋自己搞掂啦，唔好烦我喇’，因为佢哋两个已经系过去式，冇理由系我去处理。”
问有否报警，李思雅坦言之前没有这个打算：“我唔想我男朋友难做，佢都要处理佢问题，我唔想令佢更加烦。𠮶位女士除咗用粗口闹我之外，仲试过自己走上我男朋友屋企，死唔肯走，我男朋友就冇办法之下自己离开间屋。佢第二日返屋企时就发现对方走咗，仲偷走咗佢之前送畀我男朋友嘅Iron Man咕𠱸，同埋我摆喺男朋友屋企嘅书。斋讲呢件事，我已经系可以去报警。”
点击下图观看部份骚扰过程：