【瞩目配角】73岁刘江担心留TVB冇剧拍：而家做一年算一年

刘江：其实我唔钟意做访问

记者：咁⋯⋯点解你会喺到？

刘江：太耐冇开工喇，做啲访问等公司知我有开工嘛。

记者：哦⋯⋯（停咗几秒）咁当倾偈啰，好快过啫⋯⋯

刘江笑一笑：开始啦！

很难想像拍了三百多套电视剧的刘江，还要做专访证明自己在无线的价值，访问最后用了40分钟，如果要用两个字形容刘江，戏痴是最适合，他说：“有时屋企睇剧，见到其他人嘅演出，会谂点解呢个角色公司唔揾我做呢？冇可能揾佢㖞，佢咁鬼渣！如果我做会点点点，但𠵱家⋯⋯我要开始学识放低去接受，做少啲之后再做少啲，最后唔做退休。”73岁的刘江在无线工作32年，到今日仍会为自己没份参与演出而生气，刘江从来没说过“我好钟意做戏”，但他用实际行动演绎这句说话。

年度神剧《金宵大厦》除了陈山聪、李施嬅外，最多人讨论的是刘江，可说是剧中第二男主角，在无线32年演绎过无数角色，《拳王》的任哥、《毕打自己人》的陆生等等，几乎每套剧都见到刘江，但他竟然会担心无线不再用他，“而家做一年算一年，可能我未必签亦可能佢（无线）未必签我呢？你哋可能觉得每一套都有老人家角色，我就好稳阵，举例《白色强人》有几多个我呢类角色？一个，咁一年公司开几多部剧呢？有数得计，一套剧用一个老人家㗎咋。”

艺员青黄不接

刘老师亦数了无线甘草阵容，罗乐林、刘丹、周聪、修哥等。不是刘老师盘点一下，都不知原来有多种类型的老友记，但刘江指出艺员断层仍然严重，“以前TVB真系人才济济，就以《情浓大地》（1995）做例子，我个仔捞家（罗嘉良）、我做佢老窦，我再对上有个大地主就系虾叔（关海山），演员配搭系咪好靓？但而家如果再拍，我就演关海山啦，捞家可能揾个后生当扎，咁中间系边个呢？冇人呀⋯⋯我拍《载得有情人》洪永城做我个仔，我同佢相差40年？我以前同捞家年纪边会相距咁远呀？”

不在乎观众的掌声　最享受演出的一刻

刘江行内人称他为刘老师，不作声的时候很有威严，虽然表示过不爱做访问，但访问中越谈越起劲亦谈笑风生，和他谈及演戏更是滔滔不绝，有人可能因为观众掌声或认同感而爱演戏，但刘老师最享受的是演同重看自己演出时的过程：“我唔会理呢套剧出街之后观众钟唔钟意，收视几多亦唔会理，我最紧要就系，我喺演紧戏嘅一刻，同埋playback睇返自己演出嘅时候，就系呢两种享受，我喺现场睇playback会笑，啲人以为我傻，演戏会令你上瘾。”

为何刘江会著重看playback？或者先简单解说什么是playback，拍完每一场戏，电视台都会在厂景即时重播刚才的拍摄内容，演员、导演、摄影及其他工作人员等，就可以从playback找出刚才有那些地方做得不好，例如说错了对白，或者有道具不连戏，或者导演及演员觉得有那个演绎不太好，看完playback都可以提出，可否再拍一次，当然决定权落在导演身上。

【瞩目配角】李国麟爆绿叶要去𢯎捞：有人叫我哋多啲去揾监制倾偈

【瞩目配角】李国麟叹TVB剧冇进步：如果离开咗，我都会闹埋一份​

看playback即是看重播，这个习惯不是每个艺员都会，有些对自己演技好有信心的是不会看，但刘老师表示他每次都看，除了是因为享受，更重要是改进，“因为当你演出嘅时候，其实系演绎紧喺你脑入面想像出来的东西，但当播出嚟嘅时候系咪真系咁呢？所以你要睇playback先知，我哋拍摄系逐场拍，到出街剪埋一齐，你演绎嘅角色就会突然立体咗，就好似画画一样，将每一样颜色组合埋，到出街𠮶阵你就知究竟你演绎嘅角色系点，而呢个感觉又会影响你之后嘅演出，因为同你之前脑海想像嘅感觉交叉重叠，你再演嘅时候又会是另一个人，就系咁来来回回，不断咁影响你自己，你明唔明我讲乜？咁样听落去系咪好开心？我就系因为咁做咗几十年喇，哈哈”

戏痴最想遇到的是一个有发挥的角色，但更重要是有个好对手，从影近四十年，刘老师最想念的是陈鸿烈，“我们合作《毕打自己人》、《同事三分亲》先认识，当年他是邵氏大影星，我只是一个舞狮，但在处境剧我们对手戏多，不需要太多对戏，大家自然有默契，烈哥就算只是坐着都有戏，有次看到重播，我在想就算重演一次，自己都未必做到同一水平，因为已经没有了一个好对手 ─ 烈哥。”

为生活无线亚视两边走

虽然演戏带给刘江无限乐趣，儿子小时候作文更以爸爸作为演员而感到很光荣，不过刘江知道后反而担心，他怕儿子想做演员这一行：“呢行好辛苦又揾唔到食，（你都供到个仔去英国留学啦！）系呀，但你知我两公婆几辛苦？去英国读书连埋生活费，每月最少五万，当时我仲要供楼，所以日头去无线拍剧，夜晚去亚视配音，到第二朝又返无线开工，几乎每日都系咁过，连几时泊停车场同泊街边呢啲钱都要计呀，你话啦，不过咁以前你肯做，你话我唔瞓，一定有得你做，而家乜都冇喇，你想做都冇机会。”