【十二传说】张本立系酒楼老板　拍剧钟意做闲角：行行企企𠮶啲

TVB剧集《十二传说》正在热播，昨晚（1日）播出的一集讲述电视台杀人事件，在剧中饰演电视台甘监制的张本立（Billy），虽然戏份不多，但经常在不同剧集客串做配角的他，也令观众留下深刻印象。其实Billy现实生活中是一位饮食界商人，除了经营食品原材料供应及分销生意之外，更是尖沙咀顶好海鲜酒家的老板，估计身价逾亿！

点击下图重温：

Billy多数在剧中饰演高层或商人的角色，今次就挑战演电视台监制，他在接受《香港01》访问时笑言角色“咸湿”：“今次做一个咸湿监制，衰衰格格咁，都几得意嘅。其实我几钟意做唔同嘅角色，侍应、的士佬、文员、速递员都OK。”Billy做演员只有短短几年时间，但他从来都不介意戏份多少：“我几钟意做小人物，最好唔使点化妆，做下街坊呀，行行企企𠮶啲，做人形布景板就最好。（有冇边个角色最印象深刻？）冇呀，我始终系一个门外汉，而家边做边学，希望未来有啦。”

家族做饮食业的Billy，是香港汉宝集团其中一位创办人张锡鹏的细仔。Billy小时候就读本地名校，中学就到英国留学，之后在大学修读时装设计，毕业后任职时装设计师。但由于1997年一场金融风暴，令他原本的时装师之路转变：“𠮶阵我爸爸想我接手生意，咁当然我自己都有兴趣，觉得可以喺呢行试啲新嘢，始终后生仔有唔同嘅谂法，咪试吓啰，唔经唔觉都做咗廿几年。”身为酒楼老板的他，在尖沙咀的舖位正正处于繁华的弥敦道，估计价值过亿元，但Billy就谦虚表示：“间舖系我哋自己嘅，不过做生意唔系睇呢啲，当时买嘅时候都唔知会变成点，好多变数。如果我想赚好多钱咁我卖咗间舖就得啦，但做人唔止呢啲，我要对大家负责任。”

Billy凡事亲力亲为，由采购、设计菜式、入厨、甚至教都一脚踢，提到同娱乐圈的渊源，就要从主持饮食节目讲起：“为食台开台𠮶阵揾我主持《新派煮意》，煮吓嘢食，同嘉宾倾吓偈。后来有监制揾我拍剧咪拍啰，拍拍吓就到而家喇。（钟意做主持定拍剧？）两样嘢唔同，但做主持轻松啲，有唔同嘅方法表达，同埋有唔同嘅嘉宾几过瘾。拍剧要背对白，跟足剧本做，相对困难啲。”

虽然要兼顾生意同拍剧不容易，但Billy反而乐在其中：“拍剧可以扩阔视野，有新鲜感。虽然生意忙，但我多数系晚黑拍剧，反而畀咗我一个好好嘅理由推咗啲应酬同酒局，饮少啲酒。（咁忙会唔会少咗时间陪屋企人？）系少咗，但我觉得最紧要系Quality（质素），咁我觉得系有嘅。”

点击下图睇张本立更多生活照：