李施嬅弃大台进军荷里活　准备挑战西片：太有安全感只会原地踏步

效力TVB逾15年嘅李施嬅（Selena）今年4月决定离巢，并表示：“孩子长大了，要出去见识了！”过往TVB嘅离巢艺人都会北上赚人仔，但李施嬅就选择到外国发展，并极速与美国经理人公司Authentic合作，成为“Marvel队长”Brie Larson的同门师妹。李施嬅接受《香港01》访问时透露与美国经理人合作是一种缘份。“其实都有倾过几间，呢间都算系top agency，同埋又有Brie Larson，咁咪试下啰。大家将会喺一个信任同愉快嘅情况下合作，所以完全唔会有话要签几多年约，总之有适合嘅project就可以go ahead。”入行多年，李施嬅饰演过不同的角色，今次与美国经理人公司合作，她较为期待与实力派幕前幕后交手，参与有质素的作品。

由于与美国经理人公司系以project形式合作，唔似得大台包骚咁有保障，问到李施嬅会否担心经济受到影响，她笑言：“无咗TVB呢个大平台系会少咗安全感，但太有安全感的话只会原地踏步，其实自己做咗咁多年嘢，都有一定嘅积蓄，虽然唔系大富大贵，但至少唔会无饭开。”深明外国竞争大，李施嬅表示会不断自我增值，最近佢就趁有空档学习空中瑜珈并准备考导师牌，除了是因为兴趣同健康之外，李施嬅认为空中瑜珈对打戏会有一定的帮忙。

李施嬅表示决定离开TVB时，当时既没有任何工作上的计划，亦没有任何外国经理人公司向她招手，此举在外人来看是十分冒险，但她却抱著“要发生就一定会发生”的心态去面对。“feel到自己系要做啲唔同嘅嘢，如果唔而家做就唔会再有胆去做架啦。当然自己都有短暂嘅confuse，怕拖下拖下个人会消失咗，就咁无咗，不过呢啲都系夜晚瞓唔著𠮶时谂嘅低B嘢。”