【大帅哥】高层开到口想开拍续集　张卫健：酝酿咗呢个角色三年

张卫健(Dicky)主演的无线重头剧《大帅哥》，一众演员昨晚（17/1)出席在将军澳电视城举行祝捷晚会，剧集播到第二十四集7天跨平台总收视观众人数达31.8点，共有2,081,000万人次收看，上星期剧集经已播完，有民网希望再拍续集，台上助理总经理曾励珍开到声想张卫健拍续集，但健仔又点谂呢？

Dicky坦言：“真系唔知，其实一个角色需要酝酿，好似大帅哥呢个角色我私底下我花咗成两三年时间去酝酿呢个角色，我都唔记得咗边年边月边日，心谂如果做咗军阀我可以点样演呢，如果演呢个军阀遇到其他嘅军阀嘅时候我又要点样演呢？又要谂点样喜剧嘅感觉带畀观众，系有好多细致嘅嘢要谂。”《大帅哥》剧集在香港高收视，内地口碑劲，Tvb有冇同你倾再拍续集？Dicky笑言：“头先佢系台上讲我唔知架，唔知佢有冇揾公司啲同事倾呀！”

此外，Dicky透露农历新年节日都唔知点过，周旋三个女人之中，大为头痛：“喺戏里面我烦三个女人啦，喺私底下我要烦三个女人，我阿妈，我老婆同我外母，我外母同老婆会喺北京过年，我阿妈年纪大，如果带佢去北京过年，佢会顶唔顺会觉得好冻，外母年纪又大，无谓要佢舟车劳顿嚟香港过年，我解决唔到，就嚟过年我唔知点算！”