女神甩拖　Jumbo：女人要有工作先可以巩固爱情

27岁女神曾淑雅（Jumbo）选美入行以来，一双长腿加上甜美的酒窝俘虏不少宅男。今年年初， Jumbo被影到与圈外才俊男友蜜游台湾，但她接受《香港01》访问时就自爆已经同男友分手。Jumbo表示：“依家单身，分咗手了。（几时嘅事？）啱啱。（咩原因？）见光死啩，其实我好多朋友都唔想出镜，所以我IG都好少Post朋友嘅样。（涉唔涉及第三者？）无呀，我哋和平分手，依家仲系朋友！（准备好迎接新恋情未呀？）仲伤心紧…因为我以前细个比较钟意黐住另一半。但依家觉得女人一定要有工作，先可以巩固自己的爱情，所以我都会以工作为先。”

Jumbo19岁时参加中国小姐香港区成为三料冠军入行，虽然参与过不少电影演出，包括《小姐诱心》、《PG恋爱指引》以及《空手道》等，但表现都未算突出，反而索爆身材就引起不少讨论。问到入行8年仍未有代表作会否感到可惜，她称：“唔会，每个人的经历嚟嘅，其实有得拍戏已经好开心，可以喺银幕见到自己都好难得。（但呢排好少见到你演出？）其实我都有返内地拍网剧，好似同梁烈唯拍嘅《失业皇帝2017》，旱排都拍咗一部未上叫《来自前度的炸弹》，两套都系女主角。”

Jumbo签约向展邦和向展威模特儿公司多年，下年就正式约满八年，问到会否续约，Jumbo就表示：“其实我都有同公司同事表达过想转型做健身教练，因为我都已经考咗教练牌。（所以唔会续约？）啲嘢又唔可以讲到咁实，想嚟紧向健身呢个方向发展，希望两边都兼顾到，因为香港艺人专做一边比较难，而且我都钟意演戏，可能到时有打女的角色，我健开身可以即刻做到。”

Jumbo计划在youtube拍片教健身，keep住人气。她感叹：“我始终系女仔，我都定咗目标30岁唔红就退出娱乐圈，会专心喺健身方面发展。（youtube拍片怕唔怕同林芊妤（Coffee）撞桥？唔怕，佢系教瑜伽我系教健身。”

向展邦和向展威其实是中国星主席向华强的姪儿，两位2011年创立模特儿经理人公司M.SPY Model Agency，旗下有Jumbo，还有罗彩玲（Vivian）等。向展邦又曾斥资千万开夜店，而近年二人就将模特儿公司转型为新锐的香港电影公司改名叫“中国兄弟电影公司”，主力开拍电影。