【刑事侦缉档案】陈锦鸿控诉世界唔公平金句 《创世纪》Loop多次
无线深宵时段重播的《刑事侦缉档案IV》，眨下眼又进入结局篇，不过剧情讲到陈锦鸿同李珊珊开开心心结婚，谁知命运180度逆转，李珊珊被有妄想症的邵美琪(妹妹角色江子瑶)误杀，死者是未婚妻，凶手是胞姊，令陈锦鸿痛苦到爆Seed“呢个世界仲有冇公道？”，睇到不少剧迷眼湿湿。咪住，为何这句对白咁熟口面，在《创世纪》中陈锦江经典金句“呢个世界公平咩？”，两出剧是同一年播出，估不到无线咁环保，对白可以循环再用，贯彻是是旦旦精神。
相关文章：
【刑事侦缉档案IV】10大逆龄美女 排头3位女角仲靓过廿年前
【刑事侦缉档案】戴志伟批无线经营者无远见：当年拍剧好有凝聚力
【刑事侦缉档案】莫家尧过档无线追梦失败 淡出幕前打理家族生意
【刑事侦缉档案】邵美琪两段姊弟恋受尽情伤 2005年纤体相最经典
【刑事侦缉档案】徐濠萦息影变潮流教主 全因老公Eason一句话？
《刑侦IV》近日剧情讲到陈锦鸿终于解决了三角关系，和李珊珊有情人终成眷属，但在大婚当中，李珊珊却被邵美琪误杀，红事变白事，最惨是李珊珊连结婚戒指都未戴到，真系死不瞑目。之后陈锦鸿当然伤心到想死，更孖住古天乐到海边讲心事，仲讲了一段好长的对白。
他好无奈咁话“由细到大，学校嘅先生，身边嘅人都同我讲，呢个世界系公道，系公平，如果你做坏事就会有报应，所以我做人好小心，好守规矩，唔敢做坏事，一啲行差踏错都唔够胆，但我得到啲乜嘢？我无害过任何一个人，无做过任何一件坏事，但系点解我有呢个报应，点解死𠮶个系唐心？点解杀佢𠮶个系我家姐？如果系一个贼，我仲可以想尽办法，就算拼咗我条命都会将佢绳之于法，但系𠮶个系我家姐，我可以做啲乜嘢？我只系唔明，呢个世界仲有冇公道？点解偏偏要系唐心，偏偏要系我。我依家真系唔明，究竟做人嘅意义系乜？一个宝贵嘅生命，意义又系边？”不少剧迷都戥他难过，睇剧睇到眼湿湿，但又觉得这段对白熟口熟面。
陈锦鸿控诉世界唔公平的经典对白，其实在同年10月播出的《创世纪》也出现过近似对白，当时剧中黑化了的陈锦鸿，就对住罗嘉良话“我唔系无试过，我试过安份守己，日搏夜搏，赚果一万几千，我试过，但系出面果班人，出面果班人呀，佢哋识建筑识起楼咩？佢只系攞少少钱出嚟，攞少少时间，炒起个楼市就不停喺度赚大钱，咁叫公平咩！你出去问下人，是但问一个人，问下佢哋想要啲乜嘢！佢哋答案好简单，只系想要一间好普通好普通嘅楼！点解佢哋要用成世人嘅时间去供一层楼呀？因为啲有钱佬系度玩嘢呀！越有钱就越有得玩呀！呢个世界公平咩？呢个世界公平咩！”本地楼价疯狂，根本不是普通人负担得起，而《创世纪》的金句道出了不少港人心声，想不到早在《刑侦IV》已有意思近似的对白，无线将对白循环再用，唔知算系环保，定系悭水悭力呢。
相关文章：
【刑事侦缉档案】陈少霞曾获刘华力捧 走出天水围公屋嫁8亿富豪
【刑事侦缉档案】郭耀明沧桑型男完胜一线小生 可惜已转行做保险