“悭妹”卫诗雅拍通宵唔够瞓　坚持搭巴士：坐的士三百几蚊好贵

《笑林寺》一睇个戏名就知系喜剧，又有“方丈”大师刘以达，以及一对孖宝兄弟农夫在新戏演出，甚具娱乐性，卫诗雅在戏中与农夫有感情线，最后同陆泳开花结果。卫诗雅担心话：“我一知道呢套戏要同农夫拍对手戏，同自己讲呢次死紧啦，当我见到佢两个，未对剧本未做对手戏，已经畀佢地两个搅到我笑唔停，本身我个角色好cool，到时埋位拍摄我都唔知点算好，佢地两个讲到明，到时唔会跟剧本做，如果系咁样做，我咪接唔到啰，呢次真系睇到时佢地两个点样整蛊我，真系有啲担心。”

卫诗雅出名“悭妹”，曾经有段长时间没有戏拍，试过零收入所以学会节俭。“虽然近呢几年多咗工作，多咗收入，但我从来冇改变过，一样搭巴士，前几日拍通宵戏，冇瞓过觉，返屋企冲个凉，一样咁坚持搭巴士，跟住出门口，惊过时间，跑住出去，上到巴士，可能唔够训，个人晕晕地，个一刻真有啲惊。”卫诗雅被问到当刻乘坐的士需要多少车费？“好贵，需要3百几蚊，距离我屋企好远，冇咁嘅必要，我都唔会搭的士，自己虽然好攰，叫我训多一个钟，就冇咗差不多四百蚊，我唔舍得，因为好多人一日嘅工资都冇四百蚊，所以对我来讲系好多。”大家听到诗雅咁讲，相信系好多男人心目中理想情人。