做埋老公梁朝伟经理人？ 刘嘉玲有自信：一定会好好保护佢
撰文： 冼燕珊
出版：更新：
日前梁朝伟透过妻子刘嘉玲对外公布，他与泽东电影结束经理人关系，如有工作就联络太太刘嘉玲，换言之，嘉玲暂代伟仔经理人一职。嘉玲今日(25日)与拍档谢君豪现身商台为舞台剧《夺命证人》做宣传，回应担任影帝老公经理人一事。
嘉玲一听到记者嗌她做“超级经理人”，她马上澄清：“唔系经理人，系联络人啫，我系一个联络站，唔系我主动提出，我最好同佢喺工作上画清界线，佢个经理人合约到咗，暂时未物色到适合佢嘅经理人，呢个世界上，我谂除咗佢阿妈，我应该系佢最信得过嘅人，所以揾我暂时做住联络人。（大家咁熟，系咪做联络人都唔会特别麻烦呢？）唔会麻烦，我一定会好好咁保护佢。”
近年热衷演出舞台剧的嘉玲，表示老公伟仔都跃跃欲试，“我好清楚佢适合同唔适合咩工作，我一路都觉得佢应该系一个好好嘅舞台剧演员，不过佢可能都会好大压力，哈哈，佢依家都心郁郁，都想嚟睇吓我哋彩排系点样嘅情况。”一同接受访问的谢君豪说：“咁你加多两钱肉紧说服佢啦！”嘉玲表示好想睇老公伟仔同谢君豪合作，金马影帝同金像影帝一齐演出舞台剧，真系令人非常期待！